Saýd Arabıasynyń koroli Salman ben Abdel Azız al Saýd tarıhta  alǵash ret Reseıge kelgen. Arabıa koroliniń bul saparyna Reseı birneshe jyl daıyndalypty. Bul týraly Qamshy.kz aqparat agenttigi BBC-ge silteme berip habarlaıdy.  Koróldi áýejaıda monarhtyń portreti salynǵan plakattar men reseılik-arabıalyq ınvestısıalyq qory qoshemetpen kútip aldy. Korólmen birge Máskeýge 200 sheneýnik pen 85 iri kompanıalar jetekshileri kelgen.

Sarapshylardyń pikirinshe, Reseı Saýd Arabıasynan iri masshtabty ınvestısıalardy, kóptegen kelisimsharttardy kútedi. Al, Saýd Arabıasy tıisinshe Reseıden Iranmen aradaǵy jaǵdaıdyń ózgerýin qalaıdy.

Iran - Saýd Arabıasynyń strategıalyq dushpany. Eki el arasyndaǵy qarym-qatynas shıelenisip tur. Arabıa Irannyń Sırıadaǵy, Iraktaǵy, Iemendegi jáne katar krızısine aralasqanyn múldem qalamaıdy.

Saýd Arabıasy Reseımen qarym-qatynasta Irannyń bóget bolýyna jol bermeıdi. Arabıa Reseıdiń Irandy qarýmen qamtamasyz etip otyrǵanyna alańdaýly. Koróldiń Reseıge kelýdegi maqsattarynyń biri Iranǵa degen Reseıdiń kózqarasyn ózgertý.

«Saýd Arabıalyqtar Reseı men Irandy Sırıa máselesine kelgende aýyz jalasqan, seriktester dep aıtýǵa kelmeıtinin biledi. Sebebi Sırıaǵa kelgende árkimniń óz kózqarasy bar. Sırıa bolashaǵyn árkim ártúrli kóredi»-deıdi sarapshylar.

Reseı men Saýd Arabıasynyń birdeı  mańyzdy qyzyǵýshylyqtary – munaı men munaı hımıasy. Saýd Arabıasy munaıdy tabatyn jáne eksporttaıtyn  álemdegi eń alpaýyt memleket. Osy oraıda Reseı Saýd Arabıasymen munaı máselesine baılanysty kelisimsharttar jasasýǵa nıetti.