Búgin Almaty qalasy Medeý aýdanynyń qorǵanys isteri jónindegi basqarmasy jas sarbazdardy áskerge saltanatty túrde shyǵaryp salý rásimin ótkizdi, dep jazady Qamshy.kz aqparat agenttigi. Bul týraly Almaty qalasynyń Bostandyq aýdanynyń qorǵanys isteri jónindegi basqarmasy bastyǵynyń kómekshisi Qarlyǵash Musabekqyzy habarlady.

Qazirgi tańda áskerge baratyndardyń sany artyp jáne sapasy jaqsaryp keledi. Ata Zańymyzda «Qazaqstan Respýblıkasyn qorǵaý – onyń árbir azamatynyń qasıetti paryzy jáne mindeti» dep demekshi Otan aldyndaǵy boryshyn óteýge nıet bildirgen azamattar kóbeıip keletini qýantarlyq jaǵdaı.

Almaty qalasy Medeý aýdandyq ákimdiginiń muryndyq bolýymen kórkemónerpazdar jas sarbazdarǵa óz ónerlerin kórsetti. Sonymen birge Almaty qalasynyń qorǵanys isteri jónindegi departamenti áskerı boryshyn óteýshilerge qajetti syılyqtar syılady.

Aıta ketetin jáıt, jas sarbazdardy qyzmet ótkerý oryndarynda olardy jańa jaǵdaıǵa beıimdelýge kómektesetin jáne merzimdi qyzmet ótkerý barysynda áskerı iske oqytyp-úıretetin ofıserler men serjanttar saltanatty túrde qarsy alady.

Qazaqstan Qarýly Kúshterinde áskerı qyzmetti ótkerip, áskerdiń aıbynyn asqaqtaýyna óskeleń jas urpaqtardyń birden-bir úlesi zor. Ásker qatarynda bolý jastardy otansúıgishtikke baýlyp, eli men jerine súıispenshiligin arttyryp, ómirge beıimdeıdi. Beıbit eldiń tynyshtyǵyn kúzetip, táýelsizdigimizdiń týynyń jelbireýi áskeriniń myqty da, berik bolýynda.

Árbir jas sarbaz qandaı jaǵdaıda qasıet­ti Otanyn qorǵaýǵa qashanda daı­yn bolýy tıis. Júreginde eline, Otanyna degen súıispenshilik kez kelgen adamǵa jylýlyq berip, izgi erlik isterdiń qaınar kózine aı­nalýy patrıotızmge tárbıeleýdiń arqaýy bolyp tabylady.