Opasyzdyq jasaǵan qalyńdyq ótirigi shyǵyp qalyp óz toıynan qashyp ketýge májbúr bolǵan. Bul týraly  ridus.ru habarlaıdy.

Kúıeý jigit toı ústinde romantıkalyq vıdeo kórsetip jatqan. Beınejazbada áý basta eki jastyń súıispenshilikke toly foto sýretteri áýen súıemeldeýimen kórsetilgen. Bir sátte bul sýretter qalyńdyqtyń basqa erkekpen turǵan sýretterimen aýysqan kezde barlyq qonaqtar abdyrap qalǵan. Qonaqúı nómirinde ózge erkekpen ketip bara jatqany beınelengen vıdeoda qalyńdyqtyń opasyzdyq jasaǵany kórinip qalǵan.

Abyroıy aırandaı tógilgen qalyńdyq saltanat zalynan kóz jasyn kóldeı qylyp qashyp shyqqan.

Belgili bolǵandaı, Sıngapýrlyq bıznesmen toıǵa deıin birneshe aı buryn qalyńdyǵynyń qanshalyqty adal ekenin tekserip kórmekshi bolǵan.

Osyǵan baılanysty qyzdy tekserý úshin detektıv jaldaǵan. Detektıv qyzdyń nemen shuǵyldanǵany beınelengen vıdeo jazbany kórsetkende, onyń belgisiz erkekpen qonaqúıge barǵany belgili bolǵan. Alaıda, jigit toıdy ótkizýden bas tartýdyń ornyna kerisinshe toıǵa daıyndyqty buzbaı, tipti vıdeodaǵy er adamdy toıǵa shaqyryp ony qyzdyń áke-sheshesiniń qasyna otyrǵyzyp qoıǵan eken. Árıne, qalyńdyq munyń bárin tek sońynda bilgen.