Siz qashan da mýzyka tyńdaǵanda deneńizdegi shash talshyqtary turyp ketken kezdi esińizge ala alasyz ba?

Metú Sashs esimdi Garvard ýnıversıtetiniń túlegi ótken jyly mýzyka tyńdap otyrǵan adamdardyń qandaı sezimde bolatyndyǵyn zerttedi, -dep jazady Qamshy.kz aqparat agenttigi. 

Tájirıbege 20 stýdent qatysyp, onyń 10-y mýzyka tyńdaǵanda erekshe kúıge bólenip, deneleri túrshigetinin aıtqan.  Sondyqtan, ǵalym olardyń mılaryn skanerge túsirdi.

Ol mýzykaǵa emosıonaldy jáne fızıkalyq turǵyda baılanǵan adamdardyń mı qurylysy - eshqandaı emosıa bildirmegenderdiń mıyna qaraǵanda ózgeshe ekendigin anyqtaǵan.
Zertteýler kórsetkendeı, erekshe mı qurylysyna ıe adamdar  ózderiniń estý qabyǵyn jáne emosıalardy óńdeıtin aımaqtardy baılanystyratyn talshyqtardyń tyǵyzdyǵyn arttyrýǵa beıim. Sondyqtan ol eki múshe bir-birimen jaqsy qarym-qatynas ornata alady.

Sashs-tyń zertteý nátıjesi «Oksford Akademık» ǵylymı jýrnalyna jaryq kórdi.
Jýrnaldan mynadaı úzindi keltireıik: «Estý múshesi men emosıalardy óńdeıtin aımaqtardyń arasyndaǵy talshyqtar ónimdiligin joǵarylatýdyń arqasynda tıimdi óńdeýden ótedi».

Bul málimdemege sáıkes, eger mýzyka sizdiń kóńil-kúıińizge áser ete alsa, onda siz óte myqty emosıalyq qasıetke ıesiz.

Oǵan qosa, ol sezimderdiń bolýy mýzykamen baılanysty este qalǵan sáttermen tyǵyz baılanysty.

Tájirıbe jasalǵan adamdardyń sany az bolǵanmen, Sashs áli de bul jańalyǵyn ári qaraı zerttemek oıy bar. Onyń pikirinshe, bul zertteý psıhologıalyq aýytqýlary bar jandardy emdeýge septigin tıgizedi.