Osydan biraz ýaqyt buryn Qytaıdaǵy qazaqtyń bir otar qoıyna qasqyr shapqan. Sol kezde Qytaıdaǵy qandasymyz qasqyrdy jalań qolmen sulatyp, onyń aýzyn jippen baılap óz úıine ákelipti. Feısbýk qoldanýshysy Býrahan Dakanov osy oqıǵanyń qalaı bolǵandyǵyn óz paraqshasyna jazǵan. 

Kesheleri ma, odan arǵy kúni ma bilmedim, áıteýir bolashaqta ózimizge qaıtatuǵyn Qytaıdaǵy qazaqtyń bir jerinde  ómir súrip jatqan sýrettegi qandasymyzdyń bir otar qoıyna aıaq astynan qasqyr shaýypty. Bir toqtyny alyp, kete berse jaraıdy ǵoı. Joq. Qasqyryń qalyń qoıǵa qyrǵıdaı tıgen kórinedi.Onymen qosa shopanǵa qyr kórsetip:

— Qylatynyńdy qylyp al degendeı yrjalańdaǵan deıdi... Bundaı jaǵdaıda esinen adaspaǵan jigitiń: 

— Eee.. Qasqyr bolsań ıt shyǵarsyń. Syǵyp tastar bıt shyǵarsyń, kelseń kel naq!! Ótińdi alyp ..ótińe quıaıyn, —  dep eshqandaı qarýsyz, tup-týra 38 mınýt alysqan eken. Qasqyrdyń adamǵa shapqanyn estigen bóri — qasqyrǵa "shapqan" adamdy kórgende tań qalyp, bir túrli bolyp qalǵan sekildi.

Degenmen jan kerek, onymen qosa qasqyr degen aty bar, áıteýir jantalasyp júrip álgi batyrdyń úsh saýsaǵyn julyp úlgeredi. It sekildi birdemeniń saýsaǵyn tamaq etkenine namystanǵan hám ashýdy at sekildi erttep mingen jigitiń  bórińdi bastan bir teýip qulatady da, onymen qoımaı aýzyn jippen baılap, túz taǵysyn ıt qylyp úıine alyp kelgen. Kórshi qolań esinen tanyp jatyr deıdi shetinen. Ony qoıshy, kórshi-qolań túgil myńdaǵan shaqyrym alysta jatqan bizdiń ózimiz tósekte bir aýdarylyp qaldyq. Jaraısyń qysqasy!!!

Býrahan Dakanovtyń  feısbýk paraqshasynan alynǵan