QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen «13 kılometr» derekti fılmi Ekaterınbýrg qalasynda qazannyń 1-i men 5-si aralyǵynda ótken HHVİİİ «Reseı» derekti kıno festıvalinde qazylar alqasynyń arnaıy júldesine ıe boldy. Fılmniń rejıseri – Vladımır Túlkın dep jazady Qamshy.kz aqparat agenttigi «Qazaqfılmniń» baspasóz qyzmetine silteme jasap .
Atalǵan derekti fılm Serik Bodanbaev esimdi zaǵıp týraly baıandaıdy. Fılmniń keıipkeri óziniń shydamdylyǵy men tabandylyǵynyń arqasynda úlken sharýa qojalyǵynyń ıesi bolyp otyr.
Bıyl «Reseı» derekti kıno festıvaline qatysýǵa 10 elden 280 tapsyrys kelip túsken eken. Nátıjesinde negizgi baıqaýǵa Reseı, Qazaqstan, Estonıa jáne basqa da elderden 31 fılmder iriktelgen. Bul baıqaýǵa derekti kınonyń sheberleri – Ivan Tverdovskıı, Vladımır Túlkın, Andreı Osıpov, Tatána Skabard, Sergeı Goloveskıı, Sergeı Debıjev, Borıs Karadjev jáne debútant rejıserlar qatysty.
Qazylar alqasy qatarynda Reseıdiń tanymal óner qaıratkerleri boldy, olar: Lenın syılyǵynyń ıegeri, RF eńbek sińirgen óner qaıratkeri, rejıser jáne senarıst Tengız Semónov (tóraǵa), rejıser jáne senarıst Galına Leonteva , «Kıno-Sıbır» kınostýdıasynyń basshysy, rejıser Evgenıı Solomın, kınosynshy Valerıı Fomın jáne kınooperator, RF eńbek sińirgen óner qaıratkeri Evgenıı Sıgel.
Festıváldiń bas júldesin rejıser Tatána Skabardtyń «Poslednıı parad «Bezzavetnogo» fılmi ıemdendi. Eń úzdik tolyqmetrli fılm atalymy «Prıhodı svobodnym» (rejıser Ksenıa Ohapkına, Tallın) kartınasyna berildi, al úzdik qysqametrli fılm dep rejıser Anna Katornınanyń (Sankt-Peterbýrg) «Pomorskıe jonkı» tanyldy. Al kórermender kózaıymy júldesi – «Poslednıı váls» (rejıser Iýlıa Bobkova, Moskva) fılmine berildi. Festıváldiń arnaıy júldesin «Jızn s bakterıamı» (rejıserleri Stanıslav Stavınov jáne Andreı Tımoshenko, Krasnodar) fılmi ıemdendi. Operatorlyq sheberligi marapaty «Prıhodı svobodnym» fılminiń operatorlary Vıtalıı Afanasev, Maksım Drozdov ı Ksenıa Ohapkınaǵa berildi. Sondaı-aq, Reseı kınematografıster odaǵy jáne Reseı memlekettik kınofotoqujattar arhıvi, Derekti fılmder qaýymdastyǵy taǵaıyndaǵan baıqaýdan tys júldesi «Ravnaıa velıchaıshım bıtvam» derekti kınoepopeıasynyń shyǵarmashylyq tobyna berildi
