Qazaqstan Respýblıkasy Aqparat jáne komýnıkasıalar mınıstrliginiń tapsyrysymen «Qazmedıa ortalyǵy» uıymdastyrǵan «Astana Media Week» qazaqstandyq medıa-aptasy 2017 jylǵy 4-6 qazan aralyǵynda «Qazmedıa ortalyǵy» halyqaralyq medıa-habynyń aýmaǵynda ótkizildi dep habarlaıdy Qamshy.kz aqparat agenttigi.
Medıa-aptany asha otyryp, Qazaqstan Respýblıkasy Aqparat jáne komýnıkasıalar mınıstri Dáýren Abaev bylaı dedi: «Bizdiń apta dástúrli oqıǵaǵa aınalatynyna, jyl saıyn tek qana Qazaqstannyń ǵana emes, sonymen qatar barlyq óńirimizdiń jýrnalıseri, medıa holdıńteri, BAQ jáne salalyq mınıstrlikteri arasynda tyǵyz seriktestik baılanystar qurýda mańyzdy ról oınaıtynyna senemiz. Strategıalyq turǵydan biz osy keremet «Qazmedıa ortalyǵy» ǵımaratynyń negizinde ortasha merzimdi perspektıvada óńirlik medıa-hab qurýdy maqsat tutamyz».
Medıa-aptaǵa uıymdastyrylǵan 10 is-sharanyń sheńberinde 2000-nan astam qatysýshylar men 103 spıker jınaldy.
Medıa-apta aıasynda 2017 jylǵy 4 qazanda medıa salasynyń qatysýshylary úshin «Kontent-market» kórmesi ótti. İs-sharaǵa 25 respýblıkalyq jáne aımaqtyq telearna, sondaı-aq elimizdiń barlyq óńirinen 100-den asa prodakshn-kompanıalar qatysty. Jańa telebaǵdarlamalardy, realıtı-shoýlardy, múltfılmderdi, kórkem jáne derekti fılmderdi usyný úshin pıchıng uıymdastyryldy. Onda prodakshn-stýdıalar ınvestorlar men satyp alýshylardy tabý maqsatynda ózderiniń eksklúzıvti beıne kontentterin usyndy.
Qazaqstandyq BAQ, kıno- jáne prodakshn-stýdıalardan basqa «Kontent-marketke» qurmetti qonaqtar retinde 7 sheteldik delegasıa keldi.
Sonymen birge medıa-aptanyń birinshi kúninde Media Talks talqylaý alańynyń jumysy ótti. Onda 7 spıker beıresmı qalypta ózderiniń jetistikteriniń hıqaıasy týraly aıtyp, kásibı qupıalarymen salanyń qalyptasqan jáne jańa bastap júrgen jumyskerlerimen bólisti.
2017 jylǵy 5 qazanda ASTANA DIGITAL FORUM ótti. Halyqaralyq konferensıaǵa 23 spıker ári salanyń 300-deı ókili jınaldy.
2017 jylǵy 5 jáne 6 qazanda Aqparat jáne komýnıkasıalar mınıstrliginiń tapsyrysymen «Bas redaktorlar klýby» QQ, «El-shejire» QQ aımaqtyq BAQ ókilderi úshin 8 semınar jáne trenıń uıymdastyrdy.
2017 jylǵy 6 qazanda «Aımaqtyq BAQ forýmy» ótti. Onda medıa salasynyń bedeldi sarapshylary medıa-kontent sapasyn kóterý máselelerin, sonymen qatar BAQ salasyndaǵy zańnamany talqylady. «Aımaqtyq BAQ forýmynyń» jumysyna barlyǵy 20-dan astam belgili spıker men elimizdiń túkpir-túkpirinen 400 jýrnalıs qatysty.
Sonymen birge 6 qazanda eń úzdik baspasóz qyzmetin marapattaý rásimi ótti.
