Fýtboldan Qazaqstan ulttyq quramasy 2018 jyly Reseıde ótetin álem chempıonatyna irikteý kezeńin aıaqtady, dep habarlaıdy Qamshy.kz aqparat agenttigi Vesti.kz saıtyna silteme jasap.

Fýtboldan Qazaqstan ulttyq quramasy 2018 jyly Reseıde ótetin álem chempıonatyna irikteý kezeńin aıaqtady. Toptaǵy sońǵy oıynda qazaqstandyq fýtbolshylar Armenıa quramasymen teń oınady.

Astanada ótken oıynda qos qurama 1:1 esebimen teń tarqasty. Birinshi taımda qonaqtar sapynan komanda kapıtany Genrıh Mhıtarán gol soqty. Al oǵan osyǵan deıin "Aqtóbe" sapynda oınap ketken Markos Pızellı nátıjeli pas berdi. Al oǵan deıin Qazaqstan quramasy sapynan Azat Nurǵalıev pen Roman Murtazaev óz múmkindikterin paıdalana almaǵan edi.

Ekinshi taımdy shıraq bastaǵan Qazaqstan quramasy tarazy basyn teńestirýge umtyldy. 62 mınýtta qaptaldan Roman Murtazaevtyń áýelete asyrǵan dobyna Baýyrjan Turysbek birinshi jetip, esepti teńestirdi. Onyń baspen baǵyttaǵan dobyn Armenıa quramasynyń qaqpashysy Arsen Beglarán qaıtara almady. Al sońǵy sátte qonaqtar gol soǵýǵa zor múmkindik alǵanmen, qorǵaýshy Iýrıı Logvınenko Qazaqstan quramasyn jeńilisten qutqaryp qaldy.

Toptaǵy 10 oıynnan keıin 3 upaı jınaǵan Qazaqstan quramasy sońǵy orynda (6-oryn) qaldy. Polsha quramasy toptaǵy aıqyn kóshbasshy retinde álem chempıonatyna joldama aldy.