Amerıkalyq senator, halyqaralyq ister komıtetiniń basshysy Bob Korker óziniń suhbatynda AQSH prezıdenti Donald Tramptyń ózge elderdi qorqytýy úshinshi dúnıejúzilik soǵysqa ákep soǵýy ábden múmkin ekendigin aıtty, dep habarlaıdy Qamshy.kz aqparat agenttigi New Youk Times basylymyna silteme jasap.

Senatordyń aıtýynsha, Tramp óziniń Aq úıdegi qyzmetine realıtı-shoýdyń qatysýshysy retinde qaraıdy. «Ol meni ýaıymdatady. Donald Tramp AQSH halqynyń bárin ýaıymdatady», - deıdi senator.

Bob Korker sonymen qatar Aq úı basshysynyń Twitter jelisindegi jazbalaryna qatysty da narazylyq bildirdi, Tramp óziniń jazbalary arqyly AQSH-tyń dıplomatıalyq qabiletin nuqsan keltirdi dep aıyptady.

Buǵan deıin Bob Korker 2018 jyly ótetin aralyq saılaýda úshinshi alty jyldyq merzimge qaıta saılanbaıtynyn málimdegen bolatyn. Donald Tramp senatordyń bul sheshimine qatysty: «senator saılaýǵa qatysýǵa qabileti jetpeıdi», - dep pikir bildirgen bolatyn.

Sonymen qatar, AQSH prezıdenti Korkerdiń memlekettik hatshy qyzmetine saılaný usynysynan bas tartqan jáne de Bob Korkerdi Iranmen ıadrolyq kelisimge qatysty dep aıyptaǵan.

Tramptyń bul hatyna Kroker bylaı dep jaýap berdi: «Aq úı – úlken adamdarǵa arnalǵan balabaqshaǵa aınalypty».

Sońǵy ýaqyttarda Vashıngton Phenánǵa qatysty túrli málimdeler aıtyp júr. AQSH prezıdenti Donald Tramp KHDR-ǵa qatysty: « eger ol AQSH-qa qaýip tóndiretin bolsa, KHDR-ny túgelimen joq qylyp jiberemin» dep aıtqan bolatyn. Oǵan jaýap retinde Soltústik Koreıa basshysy Kım Chen Yn Amerıkaǵa qarsy tarıhta bolmaǵan sharalar qabyldaýǵa ýáde etken edi.