Almatyda ushty-kúıli joǵalyp, birneshe aıdan soń óli denesi tabylǵan 18 jastaǵy Nazerke Áriptiń ólimine qatysy bar kúdikti ustaldy, der habarlaıdy Qamshy.kz aqparat agenttigi.

Kúdikti Almaty oblysy Talǵar aýdanynyń 1984 jylǵy turǵyny. Bul týraly Almaty qalasy İİD Qylmystyq polısıa basqarmasynyń bastyǵy, podpolkovnık Janbolat Zıadın málimdedi.

«Medeý aýdandyq İshki ister basqarmasy áriptesterimen birigip qylmyskeridi anyqtaý, ony ustaý jáne dálelderdi jınaý úshin jedel izdestirý sharalary bastalǵan. Qazirgi ýaqytta kúdikti ýaqytsha ustaý abaqtysyna qamaldy. Ári onyń taksıshi ekeni anyqtaldy», – deıdi Janbolat Zıadın.

Zıadınniń málimdeýinshe, júrgizýshi qyzdy alyp ketip, qorlap, keıinnen qylqyndyrǵan.

«Qylmysyn jasyryp qalý maqsatynda qyzdyń denesin zırattyń mańyna aparyr tastaǵan. Kúdikti kinásin moıyndady. Adam óltirý deregi boıynsha sotqa deıingi tergeý júrgizilip jatyr», – dedi podpolkovnık.

Aıta keteıik, 18 jastaǵy almatylyq Nazerke Árip 10 maýsymda saǵat 16:00-de úıinen shyǵyp, qaıta oralmaǵan. Tek 6 qyrkúıekte qyzdyń óli denesi Keńsaıdaǵy zırattyń mańynan tabyldy.