11 qazanda Almaty qalasy Medeý aýdany ákiminiń bastamasymen Nursultan Nazarbaevtyń «Bolashaqqa baǵdar: rýhanı jańǵyrý» maqalasyn júzege asyrý maqsatynda «Qazaqstan» qonaq úıinde aýdan mektep túlekteriniń forýmy bolyp ótti, dep habarlaıdy Qamshy.kz aqparat agenttigi.

2016 jyly bul forým alǵash ret ótken bolatyn. Al qazirgi tańda atalmysh forýmdy ótkizý Medeý aýdanynyń dástúrleriniń birine aınalǵan.

Búgingi ótken bul forýmǵa Medeý aýdanynyń ákimi Erjan Jumatuly, «QR Eńbek eri», Almaty qalasynyń qurmetti azamaty, QR bilim ardageri Aıagúl Tóreqyzy, kompozıtor, pıanıs, Halyqaralyq saıystardyń laýreaty Rahat-bı Tólegenuly, telejúrgizýshi Maııa Vladımırovna, QR Prezıdentiniń Memlekettik jeke muraǵatynyń dırektory Borıs Álikenuly, Almaty qalasy máslıhatynyń depýtaty Murat Ádilhanuly jáne de Medeý aýdan mektepteriniń túlekteri qatysty.

Forýmnyń moderatory bolǵan Borıs Álikenuly kirispe sózdi aıtyp, búgingi ótkizilgen jıynnyń maqsatymen tanystyrdy. Mektep túlekteri forýmynyń basty maqsaty – elimizdiń túrli salalarynda qyzmet etip, tańdaǵan mamandyǵyna belgili bir jetistikterge jetken keshegi mektep bitirgen túlekter men mektep arasyndaǵy ózara baılanysty arttyrý jáne jastarmen udaıy túrde kezdesýler uıymdastyryp, óz tájirıbelerimen bólisip, urpaq sabaqtastyǵyn jalǵastyrý bolyp tabylady.

Medeý aýdanynyń ákimi Erjan Jumatuly búgingi forýmda «Qoǵamdyq sanany jańǵyrtý, týǵan jerge áleýmettik qurmet pen qoldaý kórsetý – jalpyhalyqtyq otanshyldyqtyń negizi» taqyryby aıasynda baıandama jasap, pikirin aıtyp ótti.

Aýdan ákiminiń aıtýynsha, ótken jyly uıymdastyrylǵan forýmǵa qaraǵanda bıylǵy forýmnyń aýdıtorıasy keńeıip 4 esege artqan.

«Elbasynyń «Rýhanı jańǵyrý» baǵdarlamasynyń aıasynda biz Medeý aýdanynda ekinshi ret mektep túlekterin jınap forým ótkizip jatyrmyz. Medeý aýdany – Almaty qalasynyń tarıhı jáne dástúrleri myqty ortalyǵy bolyp tabylady. Bul jerdegi mektepterden 25 jylda 30 myńnan astam túlek bitirip shyqqan. Solardyń ishinde búgingi tańda bızneste, memlekettik qyzmette, ónerde úlken jetistikterge jetken azamattarymyz bar eken. Negizgi maqsat – túlekterdiń týǵan mektebinen qol úzdirmeı, búgingi urpaqpen ushtastyrý, týǵan jerine ózderiniń úlesin qosý.

Byltyrǵy forýmdy ótkizgende formatymyz basqasha, al aýdıtorıamyz kishirek boldy, ol kezde júz shaqty adam shaqyrylyp ótkizilgen bolatyn. Bıyl formatymyz ózgerip, keńeıip, jalpy 500-den astam túlek jınaldy. Olardyń kópshiligi basqa qalalardan, basqa oblystardan, tipti, shetelden kelgenderi de bar. Bir jyldyń ishinde biz túlekterdi aýdanǵa shaqyra otyryp 14 áleýmettik jobany iske asyrdyq. Eki balabaqsha ashtyq, mektep túlekteriniń biri ashyq alańa astynda 4 fýtbol alańyn ashty.

«Urpaqtar sabaqtastyǵy» aqsıasy aıasynda ár jylǵy túlekter joǵary synyp oqýshylarymen kezdesip, ózderiniń ómir joldaryn aıtyp, tájirıbe almasyp, túrli mamandyqtar týraly bilýge kómektesti. Aýdan aýmaǵynda mektepterde 6000-nan astam oqýshy qatysqan jalpy 74 kezdesý bolyp ótti», - deıdi Medeý aýdanynyń ákimi.

Alǵashqy ótken forýmnyń qorytyndysy boıynsha, 2017 jyldyń qańtarynda túlekter saıty qurylyp, onda ár jylǵy túlekter túrli derekter, ótkizilgen aksıalar men sharalar, demeýshilik jáne qaıyrymdylyq kómekter týraly aqparattarmen bólisti. Sonymen qatar, túlekter ózara baılanysyp, bastamalardy usynyp jáne qoldap, mekteppen tyǵyz qarym-qatynasta boldy.

Medeý ákimdiginiń aıtýynsha, Aldaǵy ýaqytta aýdannyń ár mektebinde Túlekter Keńesiniń jumysyn uıymdastyryp, «Urpaqtar sabaqtastyǵy» baǵdarlamasy aıasynda mektep oqýshylarymen kásiptik baǵdar berý jáne tárbıe jumysyn júrgizý úshin aýdan  mektepteriniń túlekterin bıznes, memlekettik qurylymdar, ǵylym, mádenıet ókilderin belsendi tartý jumystary josparlanýda.

Nazerke Labıhan