Ońtústik Koreıa bıligi Orta Azıa elderimen saýda baılanysyn tereńdetý maqsatynda arnaıy agenttik qurdy, dep jazady Qamshy.kz aqparat agenttigi. Bul bastama Ońtústik Koreıanyń aımaqtardaǵy ekonomıkalyq qatysyn keńeıtýge múmkindik bermek.

Atalmysh agenttik – «Koreıa Respýblıkasy – Orta Azıa» yntymaqtastyq jónindegi forým hatshylyǵy – Ońtústik Koreıanyń «Eýrazıalyq bastama» jobasy bolyp tabylady. Joba 2013 jyly el basshylyǵynda Park Geýn-gı bolǵanda shyqqan.

Óz qyzmetin resmı túrde shildede bastaǵan hatshylyqqa Orta Azıanyń 5 memleketiniń ókilderi qosyldy. Olar – Qazaqstan,Qyrǵyzstan,Tájikstan, Túrikmenstan jáne Ózbekstan.

Hatshylyqtyń maqsaty – Ońtústik Koreıa men Orta Azıa arasyndaǵy mádenı baılanysty nyǵaıtý. 1930 jyldardyń sońǵy sheginde Sovet úkimetiniń sheshimimen 100 myńǵa jýyq etnıkalyq kárister kúshteý arqyly Ózbekstan men Qazaqstan elderine kóshirilgen.

Bir aıta keterligi, Koreıanyń geografıalyq qashyqtyǵy, Orta Azıa elderimen ortaq shekarasynyń joqtyǵy, al Ortalyq Azıa elderi úshin ashyq muhıtqa shyǵatyn múmkindiktiń bolmaýy  - eldiń ekonomkıalyq  ambısıasy úshin basty tosqaýyl bolyp otyr. Máselen, Qazaqstan astanasy Seýlden 4,5 myń shaqyrym qashqtyqta ornalasqan.

Halyqaralyq qarjy qorynyń málimetine sáıkes, 2016 jyly Ońtústik Koreıanyń Orta Azıa elderimen saýda baılanysynyń kólemi Koreıanyń jalpy eksport kóleminiń 0,33%-yn jáne ımporttyń jalpy kóleminiń 0,06%-yn quraǵan.

Eń iri Koreı dıasporasy meken etetin Ózbekstan aýmaǵy Orta Azıa elderiniń arasynda koreılik taýarlardyń eń iri ımporttaýshysy bolyp tabylady. Ózbek aýmaǵynda 408-ge jýyq koreılik kásiporyndar jumys isteıdi.

107 myńǵa jýyq etnıkalyq kárister meken etetin Qazaqstanda 200 koreılik fırma jumys isteıdi.

Onyń ústine, Ózbekstan Ońtústik Koreıa ınvestısıalarynyń eń iri alýshysy. 2013 jyly Seýl Samarqan oblysyna kún elektr stansıasyn salý úshin birlesken kásiporynǵa 300 mln. dollar quıý týraly sheshim qabyldaǵan. Bir jyldan keıin koreılik resmı tulǵalar gaz óndirý jáne hımıa ónerkásibi salalaryndaǵy túrli jobalarǵa 5 mlrd. dollar kóleminde ınvestısıalaý josparda bar ekenin málimdegen.

Budan bólek Ońtústik Koreıanyń eń iri ınvestısıalyq jobasy Túrikmenstan eli. 2015 jyly túrikmenstandyq Pohang Iron & Steel kompanıasynyń jobasy 1 mlrd. dollarǵa baǵalandy.