«Latyn qarpinde dıgrafty múldem joqqa shyǵarýǵa men óz basym qarsymyn»

/uploads/thumbnail/20171011152645634_small.jpg

"Latyn qarpinde dıgrafty múldem joqqa shyǵarýǵa men óz basym qarsymyn". Májilis depýtaty Bekbolat Tileýhan jalpy otyrystan keıin bergen suhbatynda osylaı aıtty, dep habarlaıdy Qamshy.kz aqparat agenttigi.

«Komısıa naqty bir tolyq sheshimge keldi dep oılamaımyn. Jalpy, usynystar jaqsaryp kele jatyr. Keıingisiniń aldyńǵy usynystan áldeqaıda jetilgen ekendigine daýa joq. Biraq, apostroftardy ersili-qarsyly qoldana berý degen birtúrli kóńilge qonymsyz. Sosyn, dıgrafty múldem joqqa shyǵarýǵa da men óz basym qarsymyn. Mysaly S-tyń qasyna H-ty qoıyp, SH-ny berýge bolady. Belgili bir mólsherde dıgrafty da, apostrofty da paıdalaný kerek. Bastan aıaq jińishkelikke apostrofty paıdalanýdyń sońy túrtik-túrtik nársege ákeledi. Mysaly, qazir «óńsheń» nemese «ıilý» dep jazyp kórińizshi, ústi barlyǵy túrtýli bolyp ketedi. Sondyqtan, bul máseleni taǵy da qaraý kerek dep oılaımyn», - dedi Tileýhan.

Depýtat qazirgi usynysty da kemel dep aıta almaımyn deıdi.

«Jeke basymnyń pikiri, Mendeleev kestesinde ýran U-men beriledi, halyqaralyq sózderde ýnıversıtet U-men jazylady, F árpi P men H-tyń qosyndysy dıgrafpen beriledi. Sondyqtan, dıgraftan tolyq bas tartýdyń qajeti joq. A men E-ni qosyp qoıyp, Á jasaǵan árıne aqylǵa qonymsyz. Biraq, bastan aıaq ústine apostrof berýdiń da qajeti joq. Óte jıi paıdalanylatyn áripterge apostrof nemese basqa belgilerdi qosa berý adamdardy shatastyrady», - dedi Tileýhan.

Eske sala ketsek, jýyrda Elbasy memlekettik tildi latyn qarpine kóshirý jónindegi jobany iske asyrý úshin qurylǵan jumys tobymen kezdesken edi.