2026 jylǵy 19-23 qańtar aralyǵynda Halyqaralyq bilim berý korporasıasynda (QazBSQA) «Qysqy mektep – 2026: Ýnıversıtettiń ǵylymı-bilim berý ekojúıesi: zamanaýı syn-qaterler» atty JOO oqytýshylarynyń ǵylymı jáne oqý-ádistemelik biliktiligin arttyrýǵa baǵyttalǵan aptalyq is-shara ótýde. Qysqy mektep oflaın jáne onlaın formatta uıymdastyrylyp, Almaty qalasyndaǵy Halyqaralyq bilim berý korporasıasy, ál-Farabı atyndaǵy Qazaq ulttyq ýnıversıteti, Qazaq ulttyq agrarlyq zertteý ýnıversıteti, J. Asfendıarov atyndaǵy Qazaq ulttyq medısına ýnıversıteti, Abylaı han atyndaǵy Qazaq halyqaralyq qatynastar jáne álem tilderi ýnıversıteti sıaqty joǵary oqý oryndarynyń profesor-oqytýshylar quramynjáne jas ǵalymdary men doktoranttaryn bir alańǵa toǵystyryp, olardyń kásibı turǵydan shyńdalýyna jaǵdaı jasap otyr. Sonymen qatar, QR Prezıdenti janyndaǵy QR Ulttyq ǵylym akademıasynyń uıymdastyrýymen Qysqy mektep baǵdarlamasyndaǵy birqatar semınarlar «QazScience» ǵylymı-akademıalyq semınarymen ózara yqpaldastyrylyp, elimizdiń ár óńirindegi ǵylymı uıymdar men mekemelerdiń ǵalymdary úshin keń aýqymdy qatysý múmkindigi qamtamasyz etilýde.
Qysqy mekteptiń alǵashqy eki kúninde ótken semınarlar mazmundy baıandamalarmen erekshelenip, qatysýshylardyń zor qyzyǵýshylyǵyn týdyrdy.
19 qańtar kúni Ál-Farabı atyndaǵy QazUÝ janyndaǵy «Farabi Supercomputer Center»dırektory, Qazaqstannyń ǵylymdy komersıalandyrý odaǵynyń vıse-prezıdenti, PhD Temirbaev Ámirhan Ádilhanuly jáne QR Prezıdenti janyndaǵy UǴA Jas ǵalymdar keńesiniń múshesi, startaper-ǵalym Tastanbekov Dıas Baqytjanuly baıandama jasady. Semınarda ǵylymı-ınnovasıalyq damýdyń ózekti máseleleri kóterilip, Qazaqstandaǵy ınovasıalyq sıkldiń júıelik qıyndyqtary men olardy eńserý joldary keńinen talqylandy. Sonymen qatar tehnologıalardy komersıalandyrý baǵytyndaǵy tájirıbeler men jıi kezdesetin qatelikter saralanyp, qatysýshylar praktıkalyq turǵyda mańyzdy keńester aldy.
20 qańtar kúni Ulttyq memlekettik ǵylymı-tehnıkalyq saraptama ortalyǵy» AQ Basqarma tóraǵasy, PhD Bıbosınov Asylhan Jánibekulynyń jáne Qazaqstandaǵy Erasmus+ Ulttyq keńsesiniń koordınatory Palýanova Laýra Qalabaıqyzynyń spıker bolýymen ǵylymı jobalardy júzege asyrý múmkindikteri men halyqaralyq baǵdarlamalarǵa qatysý tetikteri aıtylyp, ǵylymı-akademıalyq ortada qyzý talqylandy. Atap aıtqanda, granttyq jáne baǵdarlamalyq-nysanaly qarjylandyrý konkýrstary aıasynda ótinim berý ádistemesiniń negizgi qaǵıdalary túsindirildi, jobanyń logıkasy, qurylymy, dáleldi bazasy men qujattandyrý talaptary boıynsha naqty baǵyt-baǵdar berildi. Erasmus+ baǵdarlamasy sheńberinde joǵary bilim berý áleýetin arttyrý jobalarynyń erekshelikteri tanystyrylyp, qatysýshylarǵa jobalyq menedjment jáne halyqaralyq konsorsıýmnegizinde birlesken ótinimder daıyndaý sıaqty mańyzdy aspektiler qamtyldy.
Aldaǵy kúnderi qysqy mektep baǵdarlamasy boıynsha pedagogıkalyq ınovasıalar, ǵylymı-zertteý men bilim berýdiń konvergensıasy, akademıalyq jazylymnyń praktıkalyq erekshelikteri jáne «Sıfrlyq ýnıversıtet arhıtektýrasy – 2026» taqyrybyndaǵy sheberlik synyptary men semınarlar ótetin bolady.
Osylaısha, qysqy mektep qatysýshylar úshin tájirıbe almasýǵa, jańa ıdeıalar qalyptastyrýǵa jáne kásibı baılanystardy nyǵaıtýǵa múmkindik beretin mańyzdy alańǵa aınalyp otyr.
Halyqaralyq bilim berý korporasıasy, Ǵylym jáne ınovasıalar departamentiniń dırektory
Laısqanov Shahıslam Uzaqbaıuly
