Aq úıdiń Grenlandıaǵa qatysty tarıftik qoqan-loqqysynan keıin álemdik naryqta altyn baǵasy bir ýnsıa úshin 4 800 dollardan asyp, tarıhı rekord ornatty. Geosaıası turaqsyzdyq pen saýda soǵysy qaýpi ınvestorlardy qaýipsiz aktıvterge bet burǵyzdy.
Sarapshylardyń aıtýynsha, 2025 jyly rekordtyq ósim kórsetken altyn 2026 jylǵa da joǵary qarqynmen kirdi. Londonnyń quıma metaldar qaýymdastyǵy (LBMA) saýalnamasyna qatysqan analıtıkter baǵa bıyl 5 000 dollardan joǵary kóterilýi múmkin dep boljaıdy. Keıbir boljamdarda altyn 7 000 dollarǵa deıin jetýi yqtımal ekeni aıtylady.
Goldman Sachs pen ózge iri bankter altyndy eń senimdi ınvestısıa dep atap otyr. Olardyń pikirinshe, ortalyq bankterdiń dollardan alshaqtaýy, paıyzdyq mólsherlemelerdiń tómendeýi jáne geosaıası shıelenister altynǵa degen suranysty aldaǵy ýaqytta da kúsheıtedi.
