Qazgıdromet 12-14 qazan aralyǵyna arnalǵan aýa raıy boljamyn jarıa etti, dep habarlaıdy Qamshy.kz aqparat agenttigi.
Sınoptıkterdiń boljaýynsha elimizdiń shyǵysynda kún jylyna bastaıdy.
«Qazaqstanda turaqtalǵan jyly aýa raıy Jerorta teńizi aımaǵynan túsken áýe qysymymen baılanysty. Jaqyn eki táýlikte jylý respýblıkanyń shyǵys oblystaryna taralýyn jalǵastyrady», delingen habarlamada.
Alaıda elimizdiń batys óńirinde kún salqyndaıdy. Qazaqstannyń batysyna Reseıdiń Eýropalyq bóliginiń ortalyq aımaǵynan dymqyl jáne salqyn aýa túsýin bastaıdy. Sondyqtan respýblıkanyń qalǵan terıtorıasyna qaraǵanda, bul jerde temperatýra tómendeıdi jáne keı jerlerde jańbyr ótedi.
