Bıyl Qyrǵyzstanda bolǵan prezıdent saılaýy Qazaqstan halqyn biraz dúrliktirip tastady. Baýyrlas halyqtyń prezıdenti kele jatqan saılaýǵa bar kúsh-jigerin jumsaýda jáne ótken aptadan bastap, bul naýqandy Qazaqstan halqy da qalt jibermeı baqylap otyr. Bul týraly Qamshy.kz aqparattyq agenttigi jazady.

Munyń bári Atambaevtyń kútpegen jerden Qyrǵyzstannyń memlekettik syılyqtardy tabystaý is-sharasynda aıtqan málimdemesinen bastalǵan bolatyn. Qyrǵyzstan prezıdenti óz sózinde Qazaqstan basshysy Nursultan Nazarbaevtyń qyrǵyz prezıdenttigine úmitker kandıdattarǵa qoldaý kórsetip jatqanyn jáne Qazaqstandaǵy joǵarǵy ekonomıkalyq kórsetkishterge qaramastan, úkimet qarajatynyń  durys emes jumsalýyn aıtyp, Qyrǵyzstannyń ishki saıasatyna aralaspaýyn suraǵan bolatyn.

«Aqsaq úırek» keter aldynda kúıbeleń salyp jatyr

«Aqsaq úırek» - amerıkalyq saıası júıede laýazymynan ketpek bolǵan prezıdenke beriletin laqap at.

Qazaqstandyq mamandardyń aıtýy boıynsha, Atambaevtyń prezıdenttikten ketkeli jatqanda aıtqan sózderi qanshalyqty orynsyz bolsa da, onyń sebebin túsindirýge ábden bolady.

Máselen, saıasatker, «China Center» qazaq-qytaı birlestiginiń dırektory Ádil Káýkenov: «Qyrǵyzstanda qazir tartysqa toly saıası naýqan ótýde. Atambaev úmitkerlerdiń biri, burynǵy dosy jáne seriktesi Sooronbaı Jeenbekovke jaqtas bolyp turǵany anyq. Sol sebepti ol Jeenbekovtyń qarsylasy, Qazaqstanǵa kelgen Ómirbek Babanovqa yzalanyp, Qazaqstan prezıdentine de til tıgizdi».

«Búrkit bolyp kóringisi kelgen aqsaq úırek» tirkesimen saıasatker Anton Morozov ta kelisedi: «Atambaev klasıkalyq «aqsaq úırektiń» mysaly, ol keter aldynda ábigerge túsýde, biraq oǵan azdap epti túrde áreket etý kerek edi»,-dedi ol.

Astana qyrǵyz saıasatyna aralaspaıdy

Nursultan Nazarbaevtyń Babanovty qabyldaýyn oǵan tikeleı qoldaý kórsetýi dep qabyldaý túbegeıli qate oı.

Ádil Káýkenovtyń aıtýynsha, Astana Qyzǵyzstanmen jaqsy qarym qatynas ornatý úshin barlyq saıası kúshti paıdalana bilýi kerek. Tipti Qazaqstanǵa saparlap kelgen úmitker jeńilip qalsa da, onymen ornatylǵan baılanys árdaıym óz septigin tıgizedi. Úmitker bolashaqta da Qyrǵyzstannyń laýazymdy qyzmetterinen kórinýi anyq.

Mamannyń aıtýynsha, Qazaqstan baýyrlas elge ekonomıkalyq yqpal jasaı alǵanmen, onyń ishki saıası jaǵdaıyna aralaspaǵany anyq.

Emosıaǵa salyný bólek, dostyq bólek

Bolar is boldy, alaıda qazaqstandyq mamandar Atamabaevtyń málimdemesi qazaq-qyrǵyz dostastyǵy úshin aıtarlyqtaı ózgeris ákele qoımaıtyndyǵyn alǵa tartady.

Máselen, saıasatker Edýard Poletaevtyń pikirinshe, «Qazaqstan men Qyrǵyzstan arasyndaǵy shıelenisterdi kútýdiń qajeti joq, onyń ornyna kórshiles memlekette saılaý naýqany esh qıyndyqsyz, ashýly halyqtyń kóshege shyǵýy bolmaı, tynysh ótkenin tileıik»,-dedi ol.

Eýrazıalyq ekonomıkalyq odaqtyń tynysh uıyqtaýyna bolady 

Sarapshylar Almazbek Atambaevtyń «emosıaǵa berilip» jasaǵan málimdemesiniń EEO-ǵa áseri joǵaryda aıtylǵandaı, esh ózgeris ákelmeıtinin bir aýyzdan qoldap otyr.

Edýard Poletaevtyń aıtýynsha, ázirshe Qyrǵyzstan EEO-dan shyǵýǵa nıet bildirmeıdi.