Reseı Prezıdenti Vladımır Pýtın Eýropalyq ekonomıkalyq  odaq otyrysynda Qazaqstan Prezıdenti Nursultan Nazarbaevqa kelip, onymen jekeshe sóılesti. Osy sátte túsirilgen beınejazba Instagram, Facebook  syndy áleýmettik jelilerde júr.

Degenmen, ol beınetaspada Pýtınniń Nazarbaevqa ne dep jatqandyǵy belgisiz. Bul taspany óziniń Facebook paraqshasyna júktegen Mıhaıl Voznúk atty qoldanýshy «Budan qorqý kerek pe, qýaný kerek pe bilmeımin» dep jazdy. Bul týraly Qamshy.kz aqparattyq agenttigi Tengrinews.kz saıtyna silteme bere otyryp habarlaıdy.

Esterińizge sala keteıik, Sochıde TMD elderiniń EEO Joǵarǵy keńesiniń kezdesýi bolyp jatqan. Táýelsiz elder dostastyǵyna: Qazaqstan, Reseı, Belarýsıa, Armenıa jáne Qyrǵyzstan elderi  kiredi.

Atalmysh kezdesýde Nursultan Ábishuly TMD elderiniń erkin saýda jasaý jumystaryn iske qosý týraly aıtty. «TMD elderi arasyndaǵy erkin saýda qatynasy bizdiń kásipkerlerge tıimdi saýda-ekonomıkalyq qarym-qatynas jasaýǵa septigin tıgizip, seriktes elderdiń ekonomıkasyn jańa deńgeıge kóteredi. Erkin saýda qatynasyn tez arada iske-asyrýdy usynamyn», - dedi Nazarbaev.