Almaty qalasynyń Tilderdi damytý basqarmasy Almaty qalasy ákimdiginiń 2017 jylǵy 18 mamyrdaǵy № 2/163 «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2017-2019 jyldarǵa arnalǵan is-sharalar josparyn bekitý týraly» qaýlysyn júzege asyrý maqsatynda jáne Basqarmanyń 2017 jylǵa arnalǵan josparyna sáıkes «Rýhanı jańǵyrý» baǵdarlamasynyń aıasynda qazaq, orys jáne aǵylshyn tilderin jetik meńgergen jastar arasynda «Tildaryn» qalalyq olımpıadasyn ótkizedi dep habarlaıdy Qamsy.kz aqparat agenttigi.

Baıqaýdyń maqsat-mindetteri: jastardyń arasynda memlekettik til saıasatyn keńinen  nasıhattaý, qazaq tiliniń qoldanylý aıasyn keńeıtý jáne daryndy jastarǵa jan-jaqty qoldaý kórsetý, jastardyń qazaq, orys jáne aǵylshyn tilderin úırenýin yntalandyrý.

Olımpıada sharttary. Olıpıadaǵa qatysýshylar tómendegideı kezeńder boıynsha saıysqa túsedi:

1. Tańdaǵan taqyryby boıynsha «tusaýkeser» (prezentasıa) ótkizý;
2. Berilgen taqyryp boıynsha esse jazý;
3. Berilgen mátin boıynsha ilespe aýdarma jasaý.

Olımpıadaǵa qatysýshylar ár kezeńniń tapsyrmasyn úsh tilde: qazaq, aǵylshyn jáne orys tilderinde oryndaıdy.

Qatysýshylar oıdy jetkize bilý sheberligi men sóıleý mádenıetin kórsetýi tıis. Olımpıada barysynda qatysýshylar berilgen tapsyrmalarǵa sáıkes aldyn-ala ázirlengen aýdıo jáne beıne materıaldardy qoldanýyna bolady.

Ár kezeńnen keıin qazylar alqasy óte tómen upaı jınaǵan jekelegen qatysýshylardy kelesi kezeńderge jibermeý týraly sheshim qabyldaýy múmkin.

Olımpıadanyń qazylar alqasy quramyna belgili tilshi ǵalymdar, úkimettik emes uıymdardyń ókilderi, aýdarma isiniń kásibı bilikti mamandary enedi.

Olımpıada júldesi. Birinshi, ekinshi jáne úshinshi oryndardy ıelengender tıisti dárejedegi dıplomdar men baǵaly syılyqtarmen marapattalady. Basqa qatysýshylarǵa alǵys hattar men estelik syılyqtar tapsyrylady. Olımpıada jeńimpazy Almaty qalasynyń atynan «Tildaryn» respýblıkalyq olımpıadasyna jiberiledi.