Almaty qalasynda  3 jáne 10 qazan aralyǵynda «Balalar álem yrǵaǵynda» atty Qazaqstan jastarynyń II shyǵarmashyl festıvali ótken bolatyn.Festıváldiń qorytyndy konsert 10 qazanda Abaı atyndaǵy Qazaq memlekettik akademıalyq  opera jáne balet teatrynda ótti dep habarlaıdy Qamshy.kz aqparat agenttigi.

 Bul joba elimizdiń daryndy jas oryndaýshylaryn tabýǵa jáne qoldaýǵa  baǵyttalǵan. Jobaǵa qatysýǵa 2000-ǵa jýyq balalar ótinish bildirgen.

12 men 17 jas aralyǵyndaǵy balalardan kóptegen qyzyqty jáne  tartymdy vıdeolar kelgen bolatyn. Vokaldyq, mýzykalyq jáne horeografıalyq ónerdiń aldyńǵy qatarly ustazdarynan turatyn ádilqazy  alqalary balalardyń ishinen eń myqtysyn saralap shyǵardy. Bekitilgen reglament boıynsha 18  bala aqtyq synǵa shyǵýy kerek bolatyn, biraq eń myqty degen 24 konkýrsant iriktelip alyndy.Olardyń ishinde Almaty, Jambyl jáne Qaraǵandy oblystarynan, Astana, Almaty, Atyraý, Balqash, Oral, Óskemen, Semeı qalalarynan kelgen 7 ánshi, 9 mýzykant jáne 8 bıshi balalar keldi.

Joba barysynda balalar jaqyn dostasyp, bir-birine qoldaý bildirý arqyly naǵyz top bolyp ketti. Daıyndalý ýaqyty az bolǵanymen balalar Qazaqstan Respýblıkasynyń eńbek sińirgen qaıratkeri  A.V. Belákovpen jáne Almaty qalasy ákiminiń estradalyq-sımfonıalyq orkestriniń mýzykalyq súıemeldeýimen jumys jasady. Bul – «Balalar álem yrǵaǵynda» shyǵarmashylyq festıvaliniń ereksheligi.

Qalyptasqan dástúr boıynsha balalar elimizdiń ataqty juldyzdary Aıda Aıýpova, Alashuly jáne KeshYou toptarymen án shyrqady.

«Balalar álem yrǵaǵynda» atty jastardyń birinshi shyǵarmashyl festıvali 2015 jyly IýNESKO-nyń 70 jyldyǵyn toılaý aıasynda uıymdastyrylǵan bolatyn. IýNESKO-nyń qoldaýy aıasynda elimizdiń 1500 daryndy talanttar qamtylǵan bolatyn. Nátıjesinde shalǵaı aımaqtardan kelgen tórt fınalıst ary qaraı kásibı bilim alý úshin elimizdiń shyǵarmashyl joǵarǵy oqý oryndarynda memlekettik grant ıegerleri atandy.

Qazaqstan jastarynyń ekinshi shyǵarmashylyq festıváli Qazaqstannyń IýNESKO-ǵa músheligi jáne Qazaqstan Respýblıkasynyń IýNESKO jáne ISESKO isteri jónindegi Ulttyq komısıasyna 25 jyl tolýy, IýNESKO klýbtyq qozǵalysynyń 70 jyldyǵy, Elbasynyń «Rýhanı jańǵyrý» baǵadarlamasynyń 2013-2022 jyldarda mádenıetterdi jaqyndastyrýdyń halyqaralyq onjyldyǵy jáne Almaty qalasy Jastar jylynyń aıasynda ótýde.

Atalǵan jobany Qazaq Ulttyq IýNESKO klýbtarynyń federasıasy men QR Tuńǵysh prezıdenti – Ult kóshbasshysy qory birlese júzege asyryp jatyr. Sondaı-aq, QR Mádenıet jáne sport mınıstrligi, Bilim jáne ǵylym mınıstrligi, QR IýNESKO jáne ISESKO isteri jónindegi Ulttyq komısıa jáne Almaty men Astana qalalarynyń ákimdikteri tarapynan da keń qoldaý tanytqan.

Jobanyń seriktesteri: Total E&P Kazakhstan, Tengizchevroil LLP, Air Astana, Grand Tien Shan Hotel, Soho Concert-bar & meat, Samsung Kazakhstan, Caspian. Al, aqparattyq qoldaýdy Almaty, KTK telearnalar, Azıa oryssha radıosy, Retro FM, Klasıka radıosy, Tengrinews jáne Massaget aqparattyq portaldary kórsetip otyr.