Bıyl ekonomıkalyq tıimdi dári-dármekterdiń esebinen tegin ambýlatorlyq qamsyzdandyrý úshin dárilerdiń tizimi keńeıtildi jáne qaıta qaraldy. Mysaly, juqpaly S gepatıtin emdeý úshin qymbat jáne tıimdiligi tómen pegılırovtik (60%) ınterferondy terapıasy anaǵurlym tıimdi (98%) tizbesine aýystyryldy. Osylaısha búdjetti saqtaı otyryp, dertten aıyǵýshylardyń sanyn 500-den 8000-ǵa deıin arttyra alady dep habarlaıdy Qamshy.kz aqparat agenttigi. 

Sonymen qatar, farmasevtıka salasyndaǵy nysandardy tekserý kezinde  ortalyq apparattyń farma tekserýshileriniń qatysýy baqylaýǵa alynady. Bul is-shara mınıstrlik tarapynan jemqorlyqty aldyn alý maqsatynda júrgiziledi. Bul týraly Ortalyq komýnıkasıalar qyzmetinde QR Densaýlyq saqtaý mınıstrligi Farmasıa komıtetiniń tóraıymy Lúdmıla Búrabekova málimdedi.

- Elimizdegi dárilik zattardy qamtamasyz etý salasyndaǵy barlyq reformalar  Qazaqstan Respýblıkasynyń densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý sheńberinde qurylǵan. Barlyq tizimderdi retteý júıeli tásilde ótedi,- dedi Lúdmıla Búrabekova.

Búginde QR Densaýlyq saqtaý mınıstrligi tarapynan dári-dármekterdiń qymbattaýyna qarsy kúres sharalary júıeli túrde júrgizilýde.