Túrkistan oblysy

2024 jyldyń sońyna deıin óńirde 2408 jumys ornyn qurýmen jalpy somasy 114,5 mıllıard teńgege 62 ınvestısıalyq jobany iske asyrý josparlanýda. Búginde jalpy somasy 40,7 mıllıard teńgege 25 ınvestısıalyq joba iske asyryldy. 926 jumys orny quryldy.

Soltústik Qazaqstan oblysy

Óńirde jyl basynan beri eki joba iske asyryldy: bul 500 mıllıon teńge ınvestısıasy bar "Kırpıch SK" JSHS jumys istep turǵan kirpish zaýytyn keńeıtý jáne Esil aýdanynda asfaltbeton zaýytyn salý jobasy. Sońǵysynyń ınvestısıa kólemi 1 mıllıard teńgeni quraıdy, jobalyq qýattylyǵy - jylyna 150 myń tonna ónim. 

"Sondaı-aq, búgingi kúni qaıta qaralǵan jáne iske qosýǵa kóshirilgen jobalar joq ekenin habarlaımyz. Jyl sońyna deıin jalpy somasy 49,1 mıllıard teńgeni quraıtyn 15 jobany paıdalanýǵa berý josparlanyp otyr", - dep tolyqtyrdy ákimdikte.

Jetisý oblysy

"AÓK salasyndaǵy ınvestısıalyq jobalardy iske asyrý jónindegi jol kartasy sheńberinde 2024-2026 jyldarǵa jalpy somasy 33,2 mıllıard teńgege 31 joba josparlanǵan: qaıta óńdeý-úsh joba (4,5 mıllıard teńge), mal sharýashylyǵy-14 joba( 19,1 mıllıard teńge), sý únemdeý tehnologıalary-11 joba (8,26 mıllıard teńge), baý-baqsha-1 joba (5 mıllıon teńge), jylyjaı – 2 joba (1,2 mıllıard teńge)", - dep habarlady oblys ákimdigi.

Aǵymdaǵy jyly jalpy quny 13,1 mıllıard teńge bolatyn 13 jobany iske asyrý josparlanǵan. Bul bordaqylaý alańy bar sút óńdeý sehynyń qurylysy jáne sýdy únemdeý tehnologıalary boıynsha jeti joba bar.

Qostanaı oblysy

Ákimdikte aıtylǵandaı, aýyl sharýashylyǵy salasynda 2024 jyly 300 - ge jýyq jumys ornyn qurýmen 29,4 mıllıard teńgege 38 jobany, onyń ishinde mal sharýashylyǵy salasynda 14 jobany, ósimdik sharýashylyǵynda 19 jobany, sondaı-aq ónimdi qaıta óńdeý boıynsha bes jobany iske asyrý josparlanǵan.

Jyl basynan beri jalpy somasy 1,8 mıllıard teńgege 10 joba paıdalanýǵa berildi.

Mańǵystaý oblysy

Oblys ákimdiginiń aqparaty boıynsha, búgingi tańda ekonomıkanyń túrli salalarynda jalpy somasy 15 mıllıard teńgege bes jeke ınvestısıalyq joba iske qosyldy. Jyl sońyna deıin 350 jumys ornyn qurýmen jalpy somasy 37 mıllıard teńgeden asatyn 12 jobany iske qosý josparlanǵan.

Batys Qazaqstan oblysy

Jyl basynan beri óńirde jalpy quny 6,5 mıllıard teńgeni quraıtyn bes joba iske qosyldy. Bul kirpish zaýyty, munaı ónimderin saqtaýǵa arnalǵan rezervýar, jol boıyndaǵy servıs kesheni, mıneraldy sý óndirý sehy jáne munaı-gaz ónerkásibine arnalǵan jabdyqtar óndirisi.

Budan basqa, sońyna deıin 102 mıllıard teńgege 17 jobany iske qosý josparlanýda. Olardyń qatarynda Rojkov ken ornynda kómirsýtekterdi barlaý jáne óndirý, sport keshenin, qonaq úıdi, asfaltbeton zaýytyn jáne tórt sút fermasyn salý bar.