2025 jylǵy qańtarda aılyq mándegi ınflásıa deńgeıi 1,1% qurady (2024 jylǵy jeltoqsanda - 0,9%). Azyq-túlik taýarlarynyń baǵasy 1,4%, aqyly qyzmetter – 1,1%, azyq-túlikke jatpaıtyn taýarlar baǵasy 0,6% ósti.

Jyldyq ınflásıa máni 8,9% boldy. Onyń ishinde aqyly qyzmetter baǵasy 13,8%, azyq-túlikke jatpaıtyn taýarlar 8,4%, azyq-túlik taýarlarynyń baǵasy 5,8% ósti.

Azyq-túlik taýarlarynan baǵa kartopqa – 16,4%, qyryqqabatqa – 8,8%, sarymsaqqa – 6,4%, qıarǵa – 5,4%, júzimge – 4,1%, tátti buryshqa– 3,9%, qyzanaqqa – 3,5%, sary maıǵa – 4,1%, kúnbaǵys maıyna – 3,9%, tuzdalǵan maıshabaqqa 3,4% ósti. Baǵanyń tómendeýi qaraqumyq jarmasyna – 1,5%, apelsınge – 0,8%, kúrishke 0,6% baıqaldy.

Turǵyn úı-kommýnaldyq qyzmetter salasynda tólemaqy domofonǵa – 4,1%, turǵyn úıdi kútip ustaýǵa – 2,5%, ortalyqtan jylytý tarıfterine – 2,2%, ystyq sýǵa – 1,7%, elektr energıasyna 1% ósti. Sálemdemelerdi jóneltý boıynsha qyzmetter – 17,7%, avtosaqtandyrý men notarıýs qyzmetteri 6,5%-dan qymbattady.

Qańtarda turmystyq buıymdar baǵasy 3,9% ósti, avtomobılder – 2,4%, toqyma buıymdar men ydys-aıaqqa baǵa ósimi 0,8%-dan baıqaldy.

Óńirler ishinde eń joǵary aılyq ınflásıa Atyraý oblysynda – 2,2% (ortasha respýblıkalyq deńgeıden 1,1 p.t. joǵary), eń tómeni Almaty qalasy men Túrkistan oblysynda – 0,7%-dan tirkeldi.

Óńirler bólinisinde azyq-túlik taýarlary boıynsha eń joǵary ósim Jambyl oblysynda – 2,1%, azyq-túlik emes taýarlar boıynsha Batys Qazaqstan oblysynda – 1,5%, aqyly qyzmetter boıynsha Atyraý oblysynda 5,5% ósti.

2025 jylǵy qańtarda jyldyq mánde ınflásıa deńgeıi 8,9% qurady. Aqyly qyzmetter baǵasy – 13,8%, azyq-túlik emes taýarlardyń baǵasy – 8,4%, azyq-túlik taýarlarynyń baǵasy 5,8% joǵarylady.

2024 jylǵy qańtarmen salystyrǵanda sýyq sýǵa tarıfter – 43,2%, sý burýǵa – 26,1%, ortalyqtan jylytýǵa – 23,1%, ystyq sýǵa – 21,3%, elektr energıasyna – 18,9%, qoqys shyǵarýǵa 10,3% joǵarylady. Uıaly baılanys qyzmetteri – 27%, temirjol jolaýshylar kóligi – 18,6%, sálemdemeler jiberý – 17,7%, medısınalyq zerthanalar men dıagnostıkalyq zertteýler qyzmeti 17,4% qymbattady.

Noýtbýk baǵasy – 66,2%, as úı peshi – 55,9%, planshet 45,9% ósti. Baǵanyń ósýi korvalolǵa – 30,7%, kanefronǵa – 27,9%, asıklovırge 18% baıqaldy. Kartop – 59,3%, pıaz – 25,1%, záıtún maıy – 21,7%, sarymsaq, tátti burysh 15,4%-dan qymbattady. Kerisinshe, qaraqumyq jarmasy jyldyq mánde – 21,6%, lımon – 6,9%, júzim – 4,6%, sábiz 5,3% arzandady.