Taraz qalasynda búgin, 2026 jylǵy 25 sáýir kúni «Jańa Konstıtýsıa jáne sosıal-demokratıa: múmkindikteri men bolashaǵy» taqyrybynda Qazaqstan sosıal-demokrattarynyń aımaqtyq jıyny ótti.
Jıyn elimiz úshin asa mańyzdy. Bul týraly sharaǵa qatysýshylar erekshe atap ótti. 2026 jylǵy 15 naýryzda ótken jalpyhalyqtyq referendýmnan keıin jańa Konstıtýsıa bekitilip, Qazaqstan túbegeıli ózgerister kezeńine qadam basty. JSDP úshin bul reforma erekshe mánge ıe. Kóptegen bastamalar partıa tarapynan usynyldy. Atalǵan usynystar 2013 jylǵy JSDP baǵdarlamasynda da kórinis tapqanyn atap ótken jón.
Mańyzdy máseleler jipke tizildi
Jalpy aıtqanda, Qazaqstan sosıal-demokrattarynyń aımaqtyq jıyny naýryz aıynan beri osymen úshinshi ret uıymdastyrylyp otyr. Onyń ózindik ereksheligi men máni basym. Sebebi mundaı aýqymdy bastamalar elimizdiń túkpir-túkpirinde ótkizilse, onyń máni de, mańyzy da jáne nátıjesi de ótimdirek bolmaq. Bul jóninde jıynnyń moderatory, JSDP ortalyq apparatynyń basshysy Maqsut Nasıbýlov ta atap ótti.
«Biz Qazaqstan sosıal-demokrattarynyń aımaqtyq jıynyn osymen úshinshi ret uıymdastyryp otyrmyz. Elimizdiń soltústigi men ortalyq óńirleri úshin Astanada, batys óńirleri úshin Atyraýda, endi mine Taraz qalasynda ońtústik óńirlerdi qamtý úshin uıymdastyryp otyrmyz. Bul jıyndardyń mańyzdylyǵy sol — ár azamat, sonyń ishinde ózin sosıal-demokratpyn dep sanaıtyn kez kelgen tulǵa óz usynysy men oıyn erkin aıtyp, barlyq jaǵdaılardy baıandaýǵa múmkindik alyp otyr. Biz bul usynystardy jaı ǵana qaldyrmaı, bolashaqta partıanyń baǵdarlamasyna da engizetin bolamyz. Sonymen qatar bolashaqta zań tarmaqtaryna usynys retinde jiberiletin bolady», — dedi.
Sonymen birge bul jolǵy jıynnyń Taraz qalasynda ótkizilýiniń rýhanı máni de erekshe ekeni aıtyldy.
Osy tusta partıanyń ortalyq apparatynyń jetekshisi óz baıandamasynda birneshe ózekti máseleni kóterdi. Onyń baıandamasy «Jańa Konstıtýsıa jáne JQSH AÓK-ti damytý quraly» dep ataldy. Munda sóz elimizdegi aýyl sharýashylyǵyn damytý men jeke qosalqy sharýashylyqtardy jetildirýge baǵyttaldy. «Osy tusta men jańartylǵan Ata Zańnyń 8-babynda bekitilgen “Jer men jer qoınaýy halyqqa tıesili” degen normaǵa aıryqsha toqtala ketkendi jón sanap otyrmyn. Bizdiń partıa uzaq jyldar boıy dál osy bir qaǵıdany tý etip, halyqtyń múddesin qorǵap keldi. Jeke qosalqy sharýashylyq degen -qarapaıym ǵana aýylda on qoıyn baǵyp, bes sıyrynyń sútin saýyp, ony kúnkóris kózine aınaldyryp otyrǵan aǵaıyn. Endi bizdiń partıa Konstıtýsıanyń 8-babyn negizge ala otyryp, osy qarapaıym turǵyndardy zań talaptary negizinde qorǵap, qoldaýy kerek», - dedi Maqsut Beıbituly.
Sonymen birge ol partıanáń jańa baǵdarlamasyna jerge degen túrli shekteýlerdi joıý, jeke qosalqy sharýashylyqtar kooperatıvteriniń quqyqtyq mártebesin belgileý, naqty ózin-ózi basqarý jáne jerdi qorǵaý máseleleri tóńireginde birneshe usynym beretindigin jetkizdi.
Aldymen zań ornyǵýy mindetti
Munan soń minberge kóterilgender de ózderiniń sosıal-demokratıalyq oılaryn erkin túrde jetkizip, jeke usynystaryn baıandady.
Sóz alǵan QR Parlamenti Májilisiniń depýtaty, JSDP fraksıasynyń múshesi Ajar Saǵandyqova kez kelgen ózgeris aldymen zańnamalyq turǵyda júıelenip, sodan soń iske asatynyn aıtty. Bul zaıyrly ári quqyqtyq memleket formasy dedi ol.
«Aıta ketý kerek, osy jumystar aıasynda zańǵa densaýlyq saqtaý, sıfrlyq retteý, sý zańnamasy, qylmystyq-atqarý júıesi sıaqty túrli ózgerister engizildi. Bul ózgerister quqyqtyq normalardy naqtylaıdy, azamattardyń quqyqtaryn qorǵaýdy kúsheıtedi jáne memlekettik retteýdiń tıimdiligin arttyrady. Sondyqtan biz eń aldymen Zań júıesin retteýge beıjaı qaramaýymyz kerek», — dedi.
Sonymen birge Májilis depýtaty partıanyń 2024–2026 jyldar aralyǵynda qoldanystaǵy zańnamaǵa engizilgen túzetýleri barysyna da toqtalyp ótti.
JSDP bastamashy bolǵan Zań normalary:
- jer úlesteri jáne aýyl turǵyndarynyńquqyqtaryn qorǵaý máseleleri;
- múgedektigi bar adamdar men olardyńotbasylarynyń ómir sapasyn jaqsartý;
- MÁMS júıesin reformalaý
- zeınetaqy júıesin jańǵyrtý jáne jınaqtarǵaqoljetimdilikti keńeıtý
- halyqaralyq medıasıany damytý
- jeke qosalqy sharýashylyqtardy qoldaýboıynsha zań normalaryna ózgerister endi.
Bul bastamalardyń árqaısysy zańnamalyq túzetýler tetigi arqyly iske asyrylady. Osy turǵyda zań júıesiniń olardyń praktıkalyq qoldanylýyn jáne ınstıtýsıonaldyq engizilýin qamtamasyz etip otyr dedi májilis depýtaty.
Kelesi bolyp sóz alǵan Jalpyulttyq sosıal-demokratıalyq partıa tóraǵasynyń orynbasary Tazabek Sambetbaı Qazaqstannyń qazirgi damý kezeńin sosıal-demokratıalyq kózqaras turǵysynan baǵalap, partıa jumysyna aralyq qorytyndy jasap ótti.
«JSDP árdaıym halyqtyń múddesin qorǵaýdy maqsat etedi. Endi biz óz ustanymdarymyzdyń eń joǵarǵy kezeńine jetkenin kórip, qýanyp otyrmyz. Bizdiń azamattarymyz jańa Konstıtýsıada óz quqyqtary men bostandyqtaryn júzege asyrýǵa múmkindik beretinin, sonyń ishinde bılikte óz ókilderiniń bolýyna jol ashatynyn tolyq túsindi.
Sonymen qatar, qazirgi zamanǵy jańa qaýip-qaterlerdi eskerip, partıa baǵdarlamasyna sıfrlyq transformasıa boıynsha jańa bólim qosý qajet. Bul azamattardyń sıfrlyq qaýipsizdigin qamtamasyz etý mindetteri. Atalmysh usynym jan-jaqty saralanyp engizilýi tıis», - dedi.
Sonymen birge partıa tóraǵasynyń orynbasary «Eldiń bolashaq damýy siz ben bizdiń tabandy eńbegimizge jáne sosıal-demokratıalyq ıdealdarǵa adaldyǵymyzǵa baılanysty bolady»,-dep sózin shegendedi.
Óńirlerdiń róli basym
Degenmen másele tek Konstıtýsıada JSDP usynystarynyń kórinis tabýynda emes. Eń bastysy eldiń damý baǵyty JSDP-nyń ustanymdarymen úndesip otyrýynda. Mundaı uqsastyqtar budan ári de bola beretini anyq.
Ótip otyrǵan sharaǵa JSDP-nyń Jambyl, Jetisý, Almaty, Túrkistan, Qyzylorda, Shyǵys Qazaqstan oblystary, sondaı-aq Almaty jáne Shymkent qalalaryndaǵy óńirlik fılıaldarynyń basshylary, mamandary, belsendileri jáne áleýmettik sala sarapshylary qatysqanyn aıta ketken jón.
Osy qatysýshylar óz kezeginde Qazaqstan Respýblıkasynyń zeınetaqy júıesi, Ata zańnyń artyqshylyqtary, jahandaný zamanyndaǵy bilim berý, ulttyq qundylyqtar men halyqaralyq standarttar, densaýlyq, medısınalyq olqylyqtardyń azamattardyń ómirine tıgizetin qateri jáne JSDP jetistikteri de jan-jaqty saralandy. Taldyqorǵan–Astana baǵytyndaǵy tikeleı temirjol marshrýtynyń ashylýy barysynda Jalpyulttyq sosıal-demokratıalyq partıanyń róline de erekshe mán berildi. Sonymen birge, quqyq buzýshylyqtarǵa jol bermeý úshin Qazaqstan Respýblıkasy azamattarynyń negizgi zańnamalyq qujattar salasyndaǵy quqyqtyq saýattylyǵyn arttyrý qajettiligi týraly baıandaldy. Bul jóninde sóz alǵan “Obshestvennyı pomoshnık” QB tóraǵasy Golýbınskaıa Elena qazirgi ýaqyttaǵy keıbir keleńsiz jaǵdaılardyń aldyn alý men odan qorǵaný tásilderin aıtty.
Budan soń jas ǵalymdar men mamandar jasandy ıntellekt júıesi týraly jınalǵandarǵa túrli keńester berildi. Bul turǵyda bilim berý, neırojeliler qalaı oılaıdy, JI-diń jumys isteý mehanızmi syndy ózekti máseleler talqylandy.
Jalpy shara negizinen 2 bólimnen turdy. Alǵashqy bólimde baıandamalar tyńdaldy. Kelesi bólim edáýir erkin formatta ótti. Bul bólimde partıa jaqtastary men sosıal-demokrattar ózderiniń erkin oılaryn ortaǵa saldy.
Osydan soń JSDP belsendileri men jıynǵa qatysýshy bir top azamat arnaıy alǵys hattar men marapattaldy. Bul da bolsyn partıanyń belsendi ómiriniń aıǵaǵy,- deıdi marapat ıeleri.
Taraz qalasynda ótken aımaqtyq jıyn - tek partıaishilik kezdesý emes, eldiń bolashaq damý baǵytyn talqylaıtyn mańyzdy dıalog alańy retinde kórinedi.
Jıynnyń basty ereksheligi, onyń ashyq formatta ótýi jáne qarapaıym azamattardyń pikirine basymdyq berilýi. Bul qazirgi saıası mádenıettiń ózgerip kele jatqanyn, ıaǵnı ortalyqtandyrylǵan sheshimderden góri qoǵamdyq pikirge súıený tendensıasynyń kúsheıgenin kórsetedi.
JSDP baspasóz qyzmeti. 
