Almatyda «Taza Qazaqstan» respýblıkalyq aksıasy jáne «Móldir bulaq» ekologıalyq bastamasy aıasynda kezekti senbilik uıymdastyryldy. Tazalyq jumystary Tiksaı jáne Qazachka ózenderiniń jaǵalaý aýmaqtaryn, sondaı-aq qalanyń birqatar ýchaskesin qamtydy.

Senbilik Keńsaı-3 aýmaǵynda, Tiksaı ózeniniń jaǵasynda, Dýman shaǵynaýdanynda, Buqtyrma kóshesiniń boıynda, sondaı-aq Qazachka ózeni kóshesi, 185 mekenjaıy mańynda júrgizildi.

Aýdan ákimdiginiń málimetinshe, senbilikke 14 birlik arnaıy tehnıka jumyldyrylyp, kósheler men aýlalar, jasyl aımaqtar men qoǵamdyq keńistikter tazartyldy. Shamamen 3 gektar aýmaq retke keltirilip, 5 tonnaǵa jýyq qoqys shyǵaryldy.

«Taza Qazaqstan» jáne «Móldir bulaq» aksıalary aıasyndaǵy senbilikter qalanyń tazalyǵyn saqtaý, qoǵamdyq keńistikterdi kórkeıtý jáne turǵyndardyń ekologıalyq mádenıetin qalyptastyrý maqsatynda ótkiziledi.

Sanıtarlyq tazartý men kóriktendirý jumystary jalǵasyn tabady.