Almatyda osal sanattaǵy jasóspirimder men jastardy qoldaýǵa jáne áleýmettendirýge baǵyttalǵan «Áleýmettik sheberhana» jobasy iske qosyldy. Bul týraly qalalyq Jastar saıasaty basqarmasynyń ókilderi habarlady.

Baǵdarlama ata-ana qamqorlyǵynsyz qalǵan jáne ómirinde qıyndyq bolyp jatqan jastardyń praktıkalyq daǵdysyn qalyptastyryp, olardyń jumyspen qamtylý deńgeıin arttyrýǵa baǵyttalǵan.

Qatysýshylar barısta, aspaz, shashtaraz jáne mobılograf sıaqty suranysqa ıe mamandyqtar boıynsha qysqa merzimdi kýrstardan ótedi.

Byltyrǵy jyldyń qorytyndysy boıynsha 120-dan astam jasóspirim oqýdan ótti. Olardyń edáýir bóligi kýrstardy sátti aıaqtap, jumysqa ornalasty.

Bıyl joba aıasynda oqytý baǵyttaryn keńeıtip, qatysýshylar sanyn arttyrý josparlanyp otyr. Sonymen qatar, qatysýshylarǵa jumysqa ornalasý, joǵary oqý oryndary men kolejderge túsý kezeńderinde qoldaý kórsetilip, tálimgerlermen jáne jumys berýshilermen ózara baılanys ornatylady.

Basqarma málimetinshe, bul bastama jastar úshin teń múmkindik qalyptastyrýǵa jáne qaladaǵy áleýmettik qoldaý júıesin damytýǵa baǵyttalǵan.