Almatydaǵy №90 mektep-lıseıde kámeletke tolmaǵandar arasyndaǵy quqyqbuzýshylyqtyń aldyn alýǵa arnalǵan qalalyq «Ákeler forýmy» ótti. İs-sharaǵa mekteptiń 49 synybynan ákeler arnaıy shaqyrylyp, bala tárbıesindegi ákeniń róli, otbasy jaýapkershiligi, jasóspirimder arasyndaǵy tártip pen patrıottyq tárbıe máseleleri talqylandy.

Forýmda general-maıor, İİ dárejeli «Aıbyn» ordeniniń ıegeri Asqar Ospanov jas urpaq tárbıesiniń mańyzyna toqtaldy.

«Erteńgi eldiń patrıoty, qoǵamǵa paıdaly azamat bolyp qalyptasýy úshin bala tárbıesine búginnen kóńil bólýimiz kerek. Sondyqtan osyndaı kezdesýge arnaıy kelip otyrmyn», – dedi ol.

Almaly aýdanynyń aǵa prokýrory Ásel Ábdikárimova forýmnyń basty maqsaty – jasóspirimder arasyndaǵy quqyqbuzýshylyqtyń aldyn alý ekenin atap ótti.

«Ár ákege bala tárbıesi men onyń tulǵa bolyp qalyptasýynda ákeniń róli qanshalyqty mańyzdy ekenin jetkizgimiz keledi. Óıtkeni bala ákesine árdaıym úlgi tutyp, erekshe senimmen qaraıdy», – dedi Ásel Ábdikárimova.

İs-shara barysynda mamandar tárbıe, psıhologıa, medıasıa jáne jasóspirimder arasyndaǵy táýeldiliktiń aldyn alý taqyryptaryn qozǵady. Sondaı-aq qatysýshylarǵa mektep teatrynyń qoıylymy usynyldy.