Búgin Astana qalasynda Memleket basshysyQasym-Jomart Toqaevtyń bastamasymen Óńirlik ekologıalyq samıti óz jumysyn bastady. BUU, bir-birine jaqyn óńirlik el basshylary jáne basqa da halyqaralyq uıymdarmen birge uıymdastyrylǵan dıalog alańy – ekojúıelerdi, sý jáne jer resýrstaryn qorǵaýǵa, Ortalyq Azıa óńiriniń bıoalýantúrliligin saqtaýǵa baǵyttalǵan. Samıt aıasynda uıymdastyrylǵan «RES 2026 EXPO» halyqaralyq kórmesine Abaı ýnıversıtetiniń delegasıasy arnaıy qatysyp, ǵalymdardyń ekologıalyq tyń jobalaryn jınalǵandardyń nazaryna usynyldy.
Óńirlik ekologıalyq samıttiń plenarlyq otyrysyna Qyrǵyzstan, Ózbekstan, Tájikstan, Armenıa, Túrikmenstan, Mońǵolıa jáne Grýzıa memleketteriniń prezıdentteri qatysyp, sóz sóıledi. Sondaı-aq, mańyzy jaǵynan aýqymdy samıtke BUU men jetekshi halyqaralyq uıymdardyń (EQUY, EUY, EYDU, TMU, SHYU, EEK, ISESKO, AÓSSHK, t.b.) jáne qarjy ınstıtýttarynyń (ADB, EQQDB, Dúnıe júzi banki, Islam damý banki) ókilderi de kelgen.
Plenarlyq otyrysta QR Memleket basshysy Qasym-Jomart Toqaev Ortalyq Azıa elderiniń ekologıalyq syn-qaterlermen betpe-bet kelip otyrǵanyn jetkizdi.
– Elderimiz tutas ekojúıede ómir súredi. Ózen-kólder de, tabıǵı landshafttar da, klımattyń qaýip-qaterleri de barshamyzǵa ortaq. Eń bastysy, jaýapkershilikti teńdeı bólisemiz. Ortalyq Azıa men kórshiles aımaqtar uqsas ekologıalyq syn-qaterlerge tap keldi. Atap aıtqanda, sý tapshylyǵy men sý resýrstaryn tıimsiz basqarý, shóleıttený, muzdyqtardyń erýi, aýanyń lastanýy jáne bıoalýantúrliliktiń joıylý qaýpi. Men eń negizgi syn-qaterler men problemalardyń mánin ashyp, ádeıi tústep otyrmyn. Óıtkeni kúsh jumyldyrý arqyly atalǵan máselelerdi sheshýde oń nátıjege jetemiz. Buǵan kámil senemin, – dedi Prezıdent.
Samıt aıasynda uıymdastyrylǵan kórmege Abaı atyndaǵy QazUPÝ Basqarma Tóraǵasy-RektorBolat Tilep, Zertteý qyzmeti jáne ınovasıa jónindegi prorektor E.Sultan qatysty. Mártebeli qonaqtarǵa Abaı ýnıversıtetiniń ǵylymı jobalaryn Jaratylystaný jáne geografıa fakúltetiniń dekany Kúlásh Kaımýldınova, Bıologıa kafedrasynyń qaýymdastyrylǵan profesor m.a. Mahabbat Amanbaeva, Hımıa kafedrasynyń qaýymdastyrylǵan profesory Erbol Tileýberdi, Inovasıalar jáne nanotehnologıalar zerthanasynyń jetekshisiVıktor Lysenko tanystyrdy.
Kórmede «Abai University: Turaqty damý jolynda» taqyrybynda 5 joba tanystyryldy. Onyń ishinde elektronstansıa, jasyl ýnıversıtet, ekoklýb jáne qum-topyraqty jynystardan munaıdy bólýge arnalǵan jyljymaly qondarǵybar. «Balamaly elektrostansıa» jobasy alys obektilerdi elektr energıasymen qamtamasyz etý úshin túrli qýattylyqtaǵy ekologıalyq taza balamaly elektr stansıalaryn qurýǵa baǵyttalǵan.
«Green University» tujyrymdamasy mańyzdy ekologıalyq is-sharalardy, energıa tıimdiligin arttyrýdy, ekologıalyq bilim berý baǵdarlamalaryn engizýdi, aýmaqty kógaldandyrýdy jáne jaqsartýdy, jasyl tehnologıalardy engizýdi jáne basqa da baǵyttardy qamtıdy. Al «Biohumus» jobasy – zertteý kalıfornıalyq qyzyl qurttardy paıdalaný arqyly organıkalyq qaldyqtardan bıogýmýs óndirý úderisin qarastyrady.
Sonymen qatar, ýnıversıtettiń stýdenttik «Aıala» ekoklýby tanystyryldy. Bul uıym –ekologıalyq mádenıetti qalyptastyrýǵa, turaqty oılaýdy damytýǵa jáne ýnıversıtet pen qoǵam deńgeıinde ózekti ekologıalyq problemalardy sheshýge baǵyttalǵan bilim alýshylardyń erikti birlestigi. Munaı shylamdaryn jáne munaımen lastanǵan topyraqty zalalsyzdandyra otyryp, jynystardan munaıdy bólýge arnalǵan«Jyljymaly qondyrǵy» ǵylymı jobasy da kelýshilerdiń nazaryn qyzyǵýshylyǵyn týǵyzdy.
Óńirlik ekologıalyq samıt jumysy 24 sáýirge deıin jalǵasady. Halyqaralyq jıyn qorytyndysynda óńirdiń ekojúıesine qatysty tyń bastamalar qabyldanady dep kútilýde.
«Abai University» medıa ortalyǵy
