Jambyl aýdanynyń ortalyǵy Uzynaǵash aýylynda referendým kúni erekshe usynys jasaldy. Osy eldimeken turǵyny Eljan Erboluly respýblıkalyq referendýmǵa qatysyp, óz tańdaýyn jasaǵannan keıin bolashaq qalyńdyǵy Janerkege úılenýge usynys jasady.

Jastar búgingi kúndi elimizdegi tarıhı kúnderdiń biri retinde baǵalaıdy. Eljan Altybaqan kóshesindegi №1 mektep-gımnazıasynyń ǵımaratynda ornalasqan №262 referendým ýchaskesinde daýys bergennen keıin ile-shala sol jerde súıiktisine saqına usynyp, ómirlik serigi bolýǵa shaqyrdy.

Bul kún ómirindegi jáne el tarıhyndaǵy erekshe sátterdiń biri ekenin Eljan bylaısha bildirdi: «Búgingi kún men úshin ǵana emes, tutas qazaq eli úshin erekshe mánge ıe kúnderdiń biri. Sebebi memleketimizdiń jańa kezeńge qadam basýyna negiz bolatyn mańyzdy sheshim qabyldanyp jatyr dep esepteımin. Sondyqtan men bul kúndi ádeıi tańdadym. Óıtkeni bolashaq jaryma jasaǵan usynysym eshqashan umytylmaıtyn kúnderdiń biri bolyp qalaryna senemin», – dedi ol.

Osylaısha, el bolashaǵyna qatysty mańyzdy tańdaý jasalǵan kúni eki jastyń ómirindegi qýanyshty oqıǵa da qatar órilip, bul sát kópshilikke erekshe áser syılady.