Baıserke aýylynda referendým etno-breık formatynda ótip jatyr Almaty oblysy İle aýdanyna qarasty Baıserke aýylyndaǵy №12 mektepte ornalasqan referendým ýchaskesinde daýys berý erekshe formatta uıymdastyryldy.

№361 referendým ýchaskesinde daýys berý etno-breık mádenı baǵdarlamasymen qatar ótkizilip, turǵyndarǵa ulttyq mádenıettiń elementteri usynyldy. Bul bastama azamattardyń referendýmǵa degen qyzyǵýshylyǵyn arttyryp, ulttyq dástúrdi nasıhattaýǵa baǵyttalǵan.

İs-shara barysynda ýchaskege kelgen turǵyndar óz tańdaýlaryn jasap qana qoımaı, etno-breık ónerin tamashalap, ulttyq mádenıetpen tanysýǵa múmkindik aldy. Uıymdastyrýshylardyń aıtýynsha, mundaı erekshe format turǵyndardyń saılaý prosesine qatysý belsendiligin arttyrýǵa yqpal etedi. Sonymen qatar ol qoǵamdaǵy birlik pen yntymaqty nyǵaıtýǵa baǵyttalǵan.

Ýchaskege kelgen aýyl turǵyndary da bul bastamany qoldap, daýys berý prosesine belsendi qatysyp jatyr.