Medısınalyq ortalyqtar İle aýdanynda «Aýylda densaýlyq saqtaýdy jańǵyrtý» ulttyq jobasy aıasynda salynǵan. Onyń biri Ashybulaq aýyldyq okrýgine qarasty Kókqaınar aýylynda bolsa, ekinshisi «Bereke» saıajaı-kooperatıvinde ornalasqan.
Igi istiń júzege asýyna úles qosqan merdiger – «Kapıtal Stroı Proekt grýpp» kompanıasy. Endi aýyl turǵyndaryna qoljetimdi ári sapaly medısınalyq qyzmet kórsetiledi. Nysandar zamanaýı jabdyqtarmen tolyq qamtylǵan.
Baspana kiltteri İle aýdany men Qonaev qalasynda áleýmettik osal toptaǵy azamattarǵa jalǵa berildi. Keıin ony óz atyna aýdarýǵa da múmkindik bar. Oblys ortalyǵyndaǵy «Comfort» kóppáterli turǵyn úı kesheninen 50 adam, al İle aýdanyndaǵy «Galamat» turǵyn úıinen 82 adam jańa úıge qol jetkizdi. Halyqtyń ál-aýqatyn jaqsartý, baspanamen qamtý, turǵyndar ıgiligine qyzmet etetin nysandar salý jumysy kezeń-kezeńimen jalǵasyn tabady.
