Eńbekshiqazaq kópsalaly ortalyq aýdandyq aýrýhanasy aýyldyq densaýlyq saqtaý deńgeıinde naǵyz tehnologıalyq serpilis jasady.
Aýyldyq densaýlyq saqtaý salasyn jańǵyrtýdyń Ulttyq jobasyn iske asyrý sheńberinde aýrýhanada aldyńǵy qatarly angıografıalyq qondyrǵymen jaraqtandyrylǵan zamanaýı rentgen ıntervensıalyq bólimshesi (kateterızasıalyq zerthana) resmı túrde ashyldy.
Eńbekshiqazaq kópsalaly ortalyq aýdandyq aýrýhanasynyń dırektory Jámılá Ábeýova atap ótkendeı, osy qol jetkizgen jetistik aýyldyq medısınanyń jańa deńgeıge qadam basqandyǵyn bildiredi, ıaǵnı joǵary tehnologıalar aýdanymyzdyń árbir turǵynyna tikeleı turǵylyqty meken-jaıy boıynsha qoljetimdi bolady.
Bólimshede atqarylǵan úzdik tájirıbeniń bastapqy qol jetkizgen nátıjeleri jobanyń ómirlik mańyzdylyǵyn kórsetip otyr: dárigerler alǵashqy pasıentterge koronarografıalyq zertteýlerdi sátti túrde júzege asyrdy. Dıagnostıka júrgizilgen bir jaǵdaıda tamyrlardyń asa kúrdeli asqynǵandyǵyn anyqtady, bul dereý operasıalyq shara qoldanylýyn talap etti.
Aýdandyq aýrýhana tarıhynda alǵash ret kúrdeli operasıa - koronarlyq arterıalardy stentteý - aýrýhana bazasynda, pasıentti oblys ortalyǵyna nemese Almatyǵa shuǵyl tasymaldaýdyń qajettiliginsiz oryndaldy.
Júrektiń ıshemıalyq aýrýyn dıagnostıkalaýdyń «altyn saǵaty» formatynda kómek kórsetý standartyn engizý - dárigerlerge qysqa merzimde emdeý taktıkasyn anyqtaýǵa jáne adamdardyń densaýlyǵy men ómirin saqtaı otyryp, tómenınvazıvti aralasýlardy júzege asyrýǵa múmkindik beredi.
Endi buryn iri megapolısterde ǵana qoljetimdi bolǵan joǵary tehnologıalyq endovaskýlárlyq kómek aýyl turǵyndary úshin naǵyz qoljetimdi kómek túri bolyp otyr. Bul medısınanyń qoljetimdiligin arttyryp qana qoımaı, pasıentterdi baǵyttaý beıinin túbegeıli ózgertip, dıagnoz qoıýdan bastap operasıa jasalǵanǵa deıingi merzimniń jedeldetilgendigin, josparly kómek kórsetý kezindegi turǵyndar shyǵyny da azaıǵandyǵyn bildiredi.
Bul aýqymdy joba Qazaqstan Respýblıkasy Densaýlyq saqtaý mınıstrligi men Almaty oblysy ákimdiginiń júıeli qoldaýynyń arqasynda júzege asyrylǵandyǵyn atap ótý kerek.
Infraqurylymdy jańǵyrtý jáne angıografıalyq qyzmettiń iske qosylýy aýdan turǵyndary úshin sapaly jáne jedel densaýlyq saqtaý salasyn damytýdaǵy jańashyldyq qadamy bolyp, Eńbekshiqazaq KOAA mamandandyrylǵan kardıologıalyq kómektiń qýatty óńirlik habyna aınaldyrady.
