Almatyda jastar aldaǵy referendýmdy talqylaý men qoldaýǵa belsendi túrde kiristi. Qalada konstıtýsıalyq ózgeristerdiń mánin túsindirýge jáne jalpyulttyq sheshim qabyldaýda ár azamattyń jeke qatysýynyń mańyzyn nasıhattaýǵa baǵyttalǵan kreatıvti ári aǵartýshylyq jobalar qolǵa alyndy.

Stýdentter, jas mamandar, shyǵarmashylyq orta ókilderi men eriktiler áleýmettik jelilerde beınerolıkter jarıalap, fleshmobtar men pikirtalastar uıymdastyryp jatyr. Sonymen qatar oflaın formatta da kezdesýler men ashyq alańdar ótýde. Bul sharalarda jańa Konstıtýsıa jobasynyń negizgi qaǵıdalary qarapaıym ári túsinikti tilde túsindirilip, ashyq dıalog pen sanaly tańdaý mádenıetine basymdyq beriledi.

Qatysýshylardyń aıtýynsha, bastamalardyń formaty jastar aýdıtorıasyna barynsha jaqyn. Qysqa beıneler, podkasttar, jasandy ıntellekt negizindegi kontent, kóshe aksıalary jáne blogerler men qoǵamdyq pikir kóshbasshylarymen birlesken jobalar keńinen qoldanylýda. Mundaı tásil aqparat taratýmen qatar azamattyq jaýapkershilik mádenıetin nyǵaıtýǵa yqpal etedi.

Jastar referendýmdy kózqarasyn tikeleı bildirýge ári el bolashaǵyna áser etýge múmkindik beretin mańyzdy qadam retinde baǵalaıdy. Olardyń belsendiligi qoǵamdyq úderisterge qatysýǵa daıyn ekenin jáne memleket damýyna jaýapkershilikpen qaraıtynyn kórsetedi.

Atalǵan bastamalar daýys berý kúnine deıin jalǵasyp, onlaın platformalar men qalalyq qoǵamdyq keńistikterdi qamtı otyryp, jastardyń ashyq ári syndarly talqylaýǵa keńinen qatysýyna jol ashady.