Qasym-Jomart Toqaev pen Shavkat Mırzıóev IV-III ǵasyrlarda boı kótergen Ark qamalyn tamashalady. Kóne nysan san ret qıraǵanymen qaıta qalpyna keltirilgen. Qazirgi ýaqytta bekinis aýmaǵynda Buhara memlekettik mýzeı-qoryǵy ornalasqan.

🟦Budan keıin memleketter basshylary Buharadaǵy tanymal oryndardyń biri «Lábı-haýz» keshenine bardy. Munda XVII ǵasyrda salynǵan Nádir Dıýan-Begi medresesi men hanakasy, XVI ǵasyrda irgetasy qalanǵan Kókiltash medresesi sekildi áıgili sáýlet eskertkishterin kóre alasyz.

🟦Qazaqstan men Ózbekstan kóshbasshylary XII-XVI ǵasyrlarda salynǵan Kalán munarasy men meshiti, Mırı Arab medresesi sekildi úsh ǵımarattan turatyn «Poı-Kalán» tarıhı kesheninde boldy.

🟦Buhara ǵasyrlar boıy Ortalyq Azıadaǵy negizgi rýhanı ilim ortalyqtarynyń biri bolǵany belgili. 

🟦Jergilikti medreselerde qazaqtyń Máshhúr Júsip Kópeıuly, Nurjan Naýshabaev, Shortanbaı Qanaıuly jáne basqa da kórnekti qaıratkerleri bilim nárimen sýsyndaǵan. Olardyń esimderi eki el tarıhyna ortaq.  

🟦Budan bólek, memleketter basshylaryna Máshhúr Júsip Kópeıulynyń mýzeı-qujyrasy tanystyryldy. Prezıdentter Buharada oqyǵan qazaq zıalylary týraly kórmeni aralap kórdi