Almaty qalasyndaǵy stýdenttik jataqhanalar qurylysy boıynsha jobalyq keńse ınvestorlardy jańa qurylys jáne qaıta jańǵyrtý jobalaryna qatysýǵa shaqyrady. Bastama memlekettik sýbsıdıalaý baǵdarlamasy aıasynda iske asyrylyp, stýdentter úshin zamanaýı ári qoljetimdi turǵyn úı sanyn arttyrýdy kózdeıdi.

Memlekettik sýbsıdıalaý - áleýmettik jáne strategıalyq mańyzy bar salalardy damytýǵa baǵyttalǵan qarjylyq qoldaý tetigi. Búginde Almatydaǵy stýdentterdi jaıly jáne sapaly jataqhanamen qamtamasyz etý memlekettik saıasattyń basym baǵyttarynyń biri bolyp otyr.

Baǵdarlama aıasynda ınvestorlarǵa jańa jataqhana qurylysyn júrgizý nemese qoldanystaǵy ǵımarattardy qaıta beıimdeý múmkindigi usynylady.

Joba ınvestorlar úshin birqatar tıimdi artyqshylyqtardy qarastyrady. Atap aıtqanda, stýdentterdiń turý aqysy esebinen turaqty tabys tabý, jataqhana aýmaǵyndaǵy komersıalyq keńistikterdi paıdalaný, banktik nesıe boıynsha sýbsıdıa alý, jer telimderin rásimdeý múmkindigi bar. Sonymen qatar qujattardy rásimdeý barysynda tegin zańgerlik keńes pen tolyq súıemeldeý kórsetiledi.

Almaty qalasynda stýdenttik jataqhanalar sanyn kóbeıtý maqsatynda qurylǵan jobalyq keńse memlekettik baǵdarlamanyń júzege asyrylýyn úılestirý jumystaryn júrgizip keledi. Qazirgi ýaqytta baǵdarlamaǵa 120-dan astam ınvestor qyzyǵýshylyq tanytqan. Bul stýdenttik ınfraqurylymdy damytýǵa bıznes qaýymdastyq tarapynan joǵary suranys bar ekenin kórsetedi.

Baılanys málimetteri:

📍 Mekenjaı: Almaty qalasy, Baıtýrsynuly kóshesi, 22k1, 4-qabat

📞 Telefon: +7 701 528 28 37

👤 Baılanys tulǵasy: Damır Kýtýmov, jobalyq keńse jetekshisi

Almatydaǵy zamanaýı stýdenttik ınfraqurylymdy damytýǵa birge úles qosyńyz!