Álemdik munaı baǵasy 18 aqpanda 4%-dan astam qymbattady. Buǵan AQSH vıse-prezıdenti Djeı Dı Venstiń-tiń Iran ıadrolyq kelissózderde AQSH talaptaryn oryndamaǵany týraly málimdemesi sebep boldy.

Venstiń aıtýynsha, Jenevadaǵy kelissózderde Iran AQSH belgilegen «qyzyl syzyqtardy» moıyndamaǵan. Al prezıdent Donald Tramp kelisimge qol jetkizilmese, áskerı kúsh qoldanýy áli de múmkin ekenin aıtty.

Nátıjesinde:
AQSH-tyń WTI markaly munaıy 4,6%-ǵa ósip, barreli $65,19 boldy.
Brent markaly munaı 4,35%-ǵa qymbattap, $70,35 deńgeıine jetti.

Naryqtaǵy basty alańdaýshylyq — Ormýz buǵazyndaǵy jaǵdaı. Iran áskerı jattyǵýlar ótkizip jatyr. Bul buǵaz arqyly álemdik teńiz munaı eksportynyń shamamen úshten biri ótedi. Eger áskerı qaqtyǵys bastalsa, munaı jetkizilimine qaýip tónýi múmkin.

AQSH aımaqqa eki avıanoses jiberdi, bul jaǵdaıdyń ýshyǵýy yqtımal ekenin kórsetedi.