Qurban aıt merekesine oraı Almaty qalasynda turǵyndarǵa qolaıly ári qaýipsiz jaǵdaı jasaý maqsatynda arnaıy daıyndyq jumystary júrgizilýde.
Qurban shalý rásimderiniń laıyqty oryndalýy úshin arnaıy alańdarda qaldyqtarǵa arnalǵan konteınerler, et saqtaıtyn tońazytqyshtar, sý júıesi, dezınfeksıa jáne sanıtarlyq óńdeý oryndary, sondaı-aq mal terisin saqtaıtyn arnaıy oryndar qarastyrylǵan. Qasapshylar qolǵap, maska, aljapqysh jáne rezeńke etikpen qamtamasyz etiledi.
Almatyda qurbandyq shalýǵa arnalǵan 12 arnaıy alań belgilendi. Qurban aıt namazy qalanyń barlyq 56 meshitinde 27 mamyr kúni saǵat 06:00-de oqylady.
Arnaıy alańdarda meshit qyzmetkerleri jumys istep, qurbandyq shalý rásiminiń dinı talaptarǵa saı oryndalýyn qadaǵalaıdy. Sonymen qatar, Almaty turǵyndary úshin qashyqtan qurbandyq shalý múmkindigi de qarastyrylǵan. Osyǵan baılanysty Qurban.muftyat.kz onlaın qyzmeti qaıta iske qosyldy. Qurbandyq shalynǵannan keıin azamattarǵa esep berilip, platforma arqyly muqtaj otbasylarǵa et taratýǵa ótinish qabyldanady.
Sondaı-aq qalanyń barlyq 56 meshitinde et qabyldaý jáne taratý pýnktteri jumys isteıdi. Ónimdi saqtaý men tasymaldaý úshin arnaıy muzdatqysh kameralar men kólikter daıyndalǵan.
Qurban shalýǵa arnalǵan arnaıy oryndar tómendegideı:
Alataý aýdany:
• «Myrzahmet» meshiti – Qarasý shaǵynaýdany, Soltústik aınalma kóshesi, 15;
• «Alǵabas» meshiti – Alǵabas shaǵynaýdany, Aqbópe kóshesi, 6;
• «Ál-Ázım» meshiti – Azat kóshesi, 20a;
• «Nur» meshiti – Uıǵyr kóshesi, 16/1.
Bostandyq aýdany:
• «Baqytkeldi» meshiti – Han-Táńiri shaǵynaýdany, Dýlatı kóshesi, 27/11.
Medeý aýdany:
• «Omar ıbn ál-Hattab» meshiti – Jýkov kóshesi, 136a;
• «Amanqul ata» meshiti – T. Bıgeldınov kóshesi, 5;
• «Fatıma» meshiti – Malaıa kóshesi, 14;
• «Raıymbek batyr» meshiti – Dýman-1 shaǵynaýdany, Han Táńiri kóshesi, 15;
• «Arafat» meshiti – Ibragımov kóshesi, 5a.
Naýryzbaı aýdany:
• «Qalqaman-2» meshiti – Qalqaman-ÁA shaǵynaýdany, Aspandıarov kóshesi, 84.
Túrksib aýdany:
• «Qaırat» meshiti – Qaırat shaǵynaýdany, Sarymoldaev kóshesi, 22.
Qarasaı aýdany:
• «Altyn saqa 2003» JSHS
• «Altyn-Orda» saýda ortalyǵy «Mubarak» JSHS
Talǵar aýdany:
• «Juldyz» bazary
• «Vernyı» bazary
