Qurandy qazaqshaǵa aýdaratyn mezgil jetti!

Shirkeýge kirip kórdińiz be? Kórmeseńiz-- kirińiz: meshitke kirip musylman bolyp ketpegendeı, odan siz hrestıan bolyp ketpeısiz; olar Qudaıǵa óz tilinde-orys tilinde qulshylyq qylady! Bizdiń qulshylyq, qazaq túgili, arabtardyń ózi túsine almaı júrgen-- arab tilinde áli? Túsinik joq jerde neshe túrli páleket bastalady! Islamdaǵy sektalardyń bári osy túsinbeýshilikten kúshiktep, sonyń sońy qasiretke ulasyp jatyr. Qudaıdyń Sózin túsinip, túısinbeı, oǵan tabyný—baıaǵy tasqa tabynýmen birdeı dúnıe!

Qudaı—qasıetti! Quran da! Qasıetti Tylsym Qudirettiń nesimen qasıetti ekeni ekini biri, egizdiń syńaryna da túsinikti bolýy kerek!

Qurandy qazaqshaǵa aýdaryp, Qudaıǵa qazaqsha minájat etetin kezeń keldi! Ony ári túsinikti, ári joǵarǵy kórkem deńgeıde tárjimalaýǵa Uly Mártebeli Qazaq Tiliniń potensıaly jetedi! Sonda osyndaǵy dinı sektanttar men bizdiń dúmshe moldalar oıyna kelgenin istep, eldi adastyra almaıdy! Alla arabqa arab tilin berse, bizge Qazaq Tilin bergen! Oǵan adamzattyń bári birdeı! Islamda eshkimge elden erek artyqshylyq berilmegen! Arabqa da! 

Qurandy tárjimalaýǵa bir-eki márte talpynys jasap kórip edim, ne—osyndaǵy musylman qaýymy, ne—órkenıetti qoǵam qurǵysy kep jatqan bizdiń bılikten bir reaksıa bolmady; sonsoń, men de qoıdym...