TikTok LIVE paıdalanýshylarǵa mádenı jáne tanymdyq kontentke naqty ýaqyt rejıminde qol jetkizýge múmkindik beretin halyqaralyq Comes Alive baǵdarlamasyn iske qosady. Baǵdarlamanyń alǵashqy jobasy - 18 mamyrda atap ótiletin Halyqaralyq murajaılar kúnine arnalǵan Museums Come Alive bastamasy. Jahandyq naýqanǵa Qazaqstan da qosyldy. Qazaqstan Respýblıkasynyń Ulttyq mýzeıi men Almaty Museum of Arts seriktestigi aıasynda platformada tikeleı efırdegi eksklúzıvti ekskýrsıalar ótedi. Bul kórermenderge elimizdiń mádenı murasymen jaqynyraq tanysýǵa múmkindik beredi.
Búginde TikTok klasıkalyq óner, zamanaýı sıfrlyq format arqyly qaıta tanystyrylatyn keńistikke aınalyp keledi, al qysqa vıdeolar men tikeleı efırler qoldanýshylarǵa mádenıet, shyǵarmashylyq jáne bilim berý kontentin jańasha ashýǵa kómektesedi.
18 mamyrda atap ótiletin Halyqaralyq mýzeıler kúni qarsańynda TikTok álemniń túkpir-túkpirindegi mýzeılermen birlesip, sonyń ishinde Museum of Modern Art (MoMA) sıaqty zamanaýı ónerdiń eń tanymal mýzeıleriniń birimen birge Museums Come Alive atty jańa jahandyq bastamany iske qosady. Jobanyń maqsaty — tikeleı efırlerdiń tanymal formaty arqyly aýdıtorıany ónermen, tarıhpen jáne mádenı muramen tanystyrý. Joba aıasynda mýzeıler, kreatorlar jáne TikTok qoldanýshylary mádenıet anaǵurlym ashyq, ınteraktıvti ári keń aýdıtorıaǵa qoljetimdi bolatyn birtutas sıfrlyq keńistikte bas qosady.
Qazaqstan murajaılary TikTok-ta jańa tynys alady
18 mamyr kúni TikTok paıdalanýshylary Qazaqstannyń birden eki jetekshi murajaıynan tanymal kreatorlar júrgizetin arnaıy translásıalarǵa qosyla alady.
Ortalyq Azıadaǵy zamanaýı ónerge arnalǵan alǵashqy ári eń iri jeke menshik murajaı - Almaty Museum of Arts almatymuseumofarts keńistiginde ótetin TikTok LIVE ekskýrsıasyn Nýrjan nurzhan_cello júrgizedi.
Platforma paıdalanýshylary saǵat 12:00-den 14:00-ge deıin naqty ýaqyt rejıminde Sharyn shatqalynan shabyt alǵan murajaıdyń sáýletimen tanysyp, kórme zaldaryn aralap, qazaqstandyq zamanaýı sýretshilerdiń týyndylaryn tamashalaı alady. Efır barysynda kórermender qazaqstandyq sýretshi Almagúl Meńlibaevanyń «Ia vse ponımaıý» («Men bárin túsinemin») atty retrospektıvalyq kórmesimen, sondaı-aq murajaıdyń Ortalyq Azıadaǵy qonaqjaılyq dástúri men kóshi-qon taqyryptaryn arqaý etken «Qonaqtar» kórmesimen tanysady. Sonymen qatar, TikTok LIVE Almaty Museum of Arts murajaıynan shabyt alǵan arnaıy Artist vırtýaldy syılyǵyn usynady, ol kórermenderge efır barysynda kontentti qoldaýǵa múmkindik beredi.
Gaýhar Satpaeva, Almaty Museum of Arts komýnıkasıalar jónindegi dırektory: «Búginde ónerdiń mýzeı qabyrǵasynan shyǵyp, sıfrlyq keńistiktegi tiri dıalogtyń bir bóligine aınalyp jatqanyn kórip otyrmyz. TikTok LIVE-pen jasalǵan kollaborasıa — ónerdiń burynǵydan da ashyq ári demokratıalyq bola túsýin kórsetetin jahandyq trendke berilgen jaýap. Qazirgi kórermenge eksponatqa jaı ǵana qaraý jetkiliksiz — oǵan sapaly storıtellıng pen oqıǵaǵa ózin qatysýshy retinde seziný mańyzdy. Tikeleı efırler sıaqty quraldardy paıdalaný bizge kúrdeli mádenı konteksti keń aýdıtorıaǵa beıimdep, ony qoljetimdi ete otyryp, ıntellektýaldyq qundylyǵyn saqtaýǵa múmkindik beredi.
Qazir elimizde jergilikti ónerge degen qyzyǵýshylyqtyń qýatty tolqyny baıqalady. Almaty Museum of Arts mýzeıiniń MoMA-men bir baǵdarlama aıasynda usynylýy — qazaqstandyq art-sahnanyń álemmen bir tilde sóılesetininiń dáleli. Biz Almagúl Meńlibaevanyń retrospektıvasynan bastap, «Qonaqtar» jobasyndaǵy qonaqjaılyq týraly oı-tolǵamdarǵa deıingi mádenı kodtarymyzdy eń ózekti komýnıkasıa arnalary arqyly jetkizip kelemiz. Bul — jahandyq deńgeıde tanymal bola otyryp, ózimizdiń biregeı bolmysymyzdy saqtaýdyń zamanaýı tásili».
«Artist» («Sýretshi») – Almaty Museum of Arts murajaıynan
shabyt alǵan vırtýaldy syılyq.
Astanadaǵy Qazaqstan Respýblıkasynyń Ulttyq mýzeıi @nationalmuseumkzQR Mádenıet jáne aqparat mınıstrliginiń qoldaýymen Juldyz Rahmetpen @zhuldyz_rakhmet birlesip, TikTok LIVE formatynda onlaın-ekskýrsıa ótkizedi. Tikeleı efır Juldyz Rahmettiń paraqshasynda 18 mamyr kúni saǵat 17:00-den 19:00-ge deıin ótedi jáne kórermenderge Qazaqstannyń baı tarıhyn, mádenıeti men tabıǵı murasyn tanytatyn murajaıdyń biregeı eksponattarmen tanysýǵa múmkindik beredi. Efır barysynda kórermenderge qazaqstandyq arheologıanyń basty nyshandarynyń biri – Qazaqstan aýmaǵynan tabylǵan alǵashqy «Altyn adam» sanalatyn Esik Altyn adamy tanystyrylady. Sonymen qatar baǵdarlamada Tobyl oıshy, súıek at jáne elimizdiń ejelgi tarıhy men mádenı murasyn ashyp kórsetetin basqa da artefaktiler usynylady. Ekskýrsıanyń bir bóligi paleontologıa zalyna arnalyp, onda Qazaqstan aýmaǵynan ǵalymdar tapqan kóne janýarlardyń qaldyqtary kórsetiledi. Onlaın-ekskýrsıa «Tartymdylyq keńistigi» atty aýqymdy baǵdarlama aıasynda, «Mýzeı túni – 2026» aksıasy men Halyqaralyq mýzeıler kúnine oraı uıymdastyrylady.
Aınur Qurmasheva, QR Ulttyq mýzeıiniń baspasóz hatshysy: «Búginde tarıh pen mádenı mura týraly zamanaýı aýdıtorıa otyrǵan alańdarda shyǵý asa mańyzdy. TikTok LIVE-pen kollaborasıa mýzeıdi dıalog, bilim jáne mádenı komýnıkasıalar keńistigi retinde kórsetýge múmkindik beredi. Zamanaýı sıfrlyq platformalar mýzeı aýdıtorıasyn keńeıtip, mádenı murany ártúrli býyn ókilderine anaǵurlym ashyq ári qoljetimdi etýge jol ashady. Biz ulttyq murany zamanaýı medıakeńistikte keńinen tanystyryp, ony jańa aýdıtorıaǵa jaqyndatýǵa umtylamyz».
Paıdalanýshylarǵa yńǵaıly bolý úshin TikTok qosymshasynda arnaıy Museums Come Alive paraqshasy paıda bolady. Onda efırlerdiń anonstaryn kórip, jobaǵa qatysýshy murajaılarmen tanysýǵa jáne kreatorlardyń translásıalaryna tikeleı ótýge bolady.
«Biz TikTok qaýymdastyǵynyń mádenı jáne tanymdyq kontentke qyzyǵýshylyǵy artyp kele jatqanyn baıqap otyrmyz. Museums Come Alive bastamasy murajaılar men ónerdi aýdıtorıaǵa jaqyndatyp, sıfrlyq býynǵa túsinikti ári yńǵaıly pishimde usynýǵa múmkindik beredi. LIVE-translásıalar arqyly paıdalanýshylar ózderin murajaı ishinde júrgendeı sezinip, óner men tarıhqa jańasha kózqaraspen qaraı alady. Qazaqstannyń Museums Come Alive bastamasyna qatysýy eldiń mádenı murasyn halyqaralyq TikTok qaýymdastyǵyna tanystyryp, Qazaqstandaǵy murajaılar men ónerge degen qyzyǵýshylyqty arttyrýǵa yqpal etedi», – deıdi Dına Hamza, Shyǵys Eýropa, Ortalyq Azıa jáne Kavkaz óńirleri boıynsha TikTok LIVE menedjeri.
Álem murajaılaryn úıden shyqpaı-aq tamashalańyz
Qazaqstannan bólek, Museums Come Alive bastamasyna álemniń ártúrli elderindegi murajaılar men kreatorlar da qosylady. TikTok LIVE Nú-Iorktegi Museum of Modern Art (MoMA), Chıkagodaǵy Pokémon Fossil Museum jáne Kaırdegi Abdeen Palace Museum sıaqty áıgili mádenı keńistiktermen birlesken arnaıy efırler uıymdastyrady.
- 19 mamyr kúni saǵat 05:00-de kórermender @katebartlett kreatorymen jáne Museum of Modern Art (MoMA) kýratorymen birge álemdegi zamanaýı ónerdiń eń tanymal mýzeıleriniń biri boıynsha vırtýaldy ekskýrsıaǵa qatysyp, mýzeıdiń áıgili koleksıasyndaǵy týyndylardy tamashalaı alady. Translásıa @katebartlett, @museumofmodernart , @tiktok, @tiktoklive_us akkaýnttarynda qoljetimdi bolady.
19 mamyr kúni saǵat 17:00-de @ahmedgalalmoussa kreatory @tiktoklive_mena akkaýntynda Abdeen Palaceboıynsha eksklúzıvti LIVE-ekskýrsıa ótkizip, TikTok aýdıtorıasyn Mysyrdyń tarıhy men mádenıetimen tanystyrady.
21 mamyr kúni saǵat 04:15-te kórermender @tiktok jáne @tiktoklive_us akkaýnttary arqyly Pokémon Fossil Museum kórmesiniń resmı ashylýyna eki kún qalǵanda ótetin eksklúzıvti LIVE-ekskýrsıaǵa qosyla alady.
#MuseumTok trendte
Sońǵy bir jylda álemniń jetekshi murajaılary jańa aýdıtorıamen baılanys ornatý úshin TikTok LIVE múmkindikterin belsendi qoldana bastady. Bul paıdalanýshylardyń óner týyndylaryna degen qyzyǵýshylyqtyń artýyna yqpal etti.Máselen, The Metropolitan Museum of Art (Nú-Iork) naýryz aıynda kórme kýratorlary men platforma kreatorlarynyń qatysýymen birqatar tikeleı efır ótkizdi. Bul óner men tarıhty keń aýdıtorıa úshin anaǵurlym qoljetimdi ári túsinikti etýge múmkindik berdi. Al Grand Egyptian Museum qarasha aıynda óziniń ashylý saltanatyn TikTok LIVE arqyly tikeleı efırde kórsetip, aýqymdy mádenı oqıǵany halyqaralyq sıfrlyq jobaǵa aınaldyrdy. Osy eki LIVE-translásıanyń jıyntyq aýdıtorıasy álem boıynsha shamamen bes mıllıon kórermendi qurady. Bul TikTok LIVE platformasynyń mádenı uıymdar men bilim berý kontentine jahandyq aýdıtorıanyń qoljetimdiligin keńeıtýdegi áleýetin aıqyn kórsetedi.
18 mamyr kúni TikTok sondaı-aq TikTok's 2026 Museum Insights Report zertteýin usynady. Bul - sońǵy bir jyl ishinde #MuseumTok qaýymdastyǵyn shabyttandyrǵan basty trendter men oqıǵalarǵa arnalǵan sholý.
- Zertteý nátıjeleri TikTok tipti tar baǵyttaǵy mýzeılerge de óz aýdıtorıasyn tabýǵa kómektesetinin kórsetti. Platformadaǵy eń tanymal mýzeılerdiń qatarynda Disgusting Food Museum, Ice Cream Museum, Trap Music Museum jáne The Bone Museum bar.
- Pop-mádenıet, ıýmor jáne storıtellıng qoǵamdy mádenı kún tártibine tartýdyń tıimdi quraldaryna aınalyp keledi. Nátıjesinde, AQSH-taǵy TikTok qoldanýshylary platformany paıdalanbaıtyn adamdarmen salystyrǵanda beıneleý ónerine 41%-ǵa jıi, al zamanaýı ónerge 79%-ǵa jıi qyzyǵýshylyq tanytady.
Óner salasyndaǵy sarapshylar men kórme kýratorlary platforma aýdıtorıasynyń nazaryn aýdaratyn kontent avtorlaryna aınalyp keledi.
TikTok týraly
TikTok – qysqa vıdeorolıkterge arnalǵan jetekshi platforma. Bizdiń mısıamyz – adamdardy shyǵarmashylyqqa shabyttandyrý jáne olarǵa qýanysh syılaý
