Táýelsizdiktiń alǵashqy jyldarynda irgesi qalanǵan qarashańyraqtyń 30 jyldyq mereıtoıy — el ǵylymy men ult rýhanıatynyń merekesi.
Úsh onjyldyq ishinde ýnıversıtet tek bilim ordasy ǵana emes, memleketimizdiń ıntellektýaldyq qýatyn qalyptastyrǵan irgeli ǵylymı ortalyqqa aınaldy. Myńdaǵan bilikti mamandar, ǵalymdar men qoǵam qaıratkerleri osy qasıetti shańyraqtan qanat qaǵyp, búginde el damýyna, álem órkenıetine qyzmet etip júr.
Sońǵy jyldary ýnıversıtet halyqaralyq bilim berý keńistiginde óz ornyn aıqyn nyǵaıtyp keledi. Germanıa, Fransıa, Polsha, Chehıa, Italıa, Ońtústik Koreıa, Qytaı, Túrkıa jáne Amerıka Qurama Shtattarynyń jetekshi ýnıversıtetterimen ornaǵan strategıalyq baılanystar — sonyń jarqyn dáleli. Bul — EUÝ-dyń abyroıy men áleýetiniń álemdik deńgeıde moıyndalýy.

Búgingi zaman talabyna saı jańarǵan ýnıversıtette ınovasıalyq bilim berý baǵdarlamalary batyl engizilip, ǵylym men óndiristiń arasyndaǵy altyn kópir bekı tústi. Ǵalymdardyń irgeli zertteýleri naqty sektorǵa enip, el ıgiligine qyzmet ete bastady.
Al ýnıversıtettiń eń basty baılyǵy — onyń adamdary, onyń ujymy. Ustazdardyń parasaty, ǵalymdardyń izdenisi, stýdentterdiń talpynysy — EUÝ mereıin asqaqtatyp turǵan qundylyqtar.
Amerıka Qurama Shtattaryna mereıtoımen tuspa-tus kelgen arnaıy saparymda, Miami qalasynda,  Florıda- Atlanta Ýnıversıtetiniń stýdentterimen EUÝ-dyń 30 jyldyǵyna oraı ýnıversıtet jalaýyn tiktik. 
Bul — tek mereıtoılyq sát emes, bul — qazaq biliminiń abyroıy álem tórinde jelbiregen erekshe kún.
Osyndaı bıik belesterge jetýde ýnıversıtet rektory, akademık Erlan Sydyqovtyń eńbegi aıryqsha. Kóregen basshy retinde ol ýnıversıtet ujymyn jańa belesterge bastap, EUÝ-dyń halyqaralyq bedelin nyǵaıtý jolynda aıanbaı eńbek etip keledi. Onyń bilim men ǵylymǵa degen adaldyǵy, ult bolashaǵyna degen janashyrlyǵy ýnıversıtettiń búgingi tabystarynan anyq kórinedi.
EUÝ-dyń 30 jyldyǵy qutty bolsyn!
Ulttyq rýh pen ǵylymnyń shamshyraǵy bıikteı bersin!