Sarapshylardyń pikirinshe, jańa partıa saıası básekeni kúsheıtip, aldaǵy saılaý qarsańynda partıalardyń jumysyna jańa serpin bere alady.
Jańa «Ádilet» saıası partıasyn qurýtýraly bastama Qazaqstanda keńtalqylanyp jatyr. Sarapshylar jańa kúshtiń paıda bolýy partıalyq júıeni transformasıalaýdyń mańyzdy kezeńine aınalyp, aldaǵy elektoraldyq sıklder aldynda básekeni arttyrýy múmkin ekenin alǵa tartady.
Bul bastama qoǵamda úlken qyzyǵýshylyq týdyrdy. Sarapshylar men saıasattanýshylardyń pikirinshe, jańa partıanyń qurylý prosesiniń ózi saıası pikirtalastardy jandandyryp, ınstıtýttardyń damýyna tyń serpin bere alady.
Máselen, qarjy taldaýshysy Rasýl Rysmambetov Qazaqstanda jańa partıalardyń paıda bolýy zańdy qubylys ekenin aıtty.
«Bizge unaıdy ma, joq pa, biraq biz jańa saıası shyndyqtyń qarsańynda turmyz. Jańa partıanyń paıda bolýy – dıalogqa, ıdeıalardyń básekesi men tyń kún tártibin synaqtan ótkizetin múmkindik. Sondyqtan «Ádilet» partıasy tirkeletin bolsa, syrttan baqylap qana qoımaı, suraq qoıyp, usynys aıtyp, jarıalanǵan qaǵıdattardy is júzinde tekserip, talqylaýǵa belsendi qatysý asa mańyzdy», – dedi ol.
Saıasattanýshy Andreı Chebotarevtińpikirinshe, «Ádilet» partıasyn qurý bastamasy saıası júıeni damytýǵa jáne azamattardyń saıası ómirge belsendi qatysýǵa degen obektıvti suranysty kórsetedi.
«Partıany qurý boıynsha bastamashylardyń basym bóligi konstıtýsıalyq reforma jónindegi komısıa jumysyna qatysqanyn aıta ketken jón. Sondyqtan olardyń basty maqsat retinde jańa Konstıtýsıa qaǵıdattary negizinde azamattardyń quqyqtary men bostandyqtaryn qorǵaýdyaıqyndaýy da zańdy qubylys. «Ádilet» partıasynyń qurylýy partıalyq-saıası ortany jańǵyrtýy múmkin jaǵymdy úderis dep esepteımin», – dedi ol.
Al saıasattanýshy Ǵazız Ábishev jańa partıanyń paıda bolýyn aldaǵy saıası sıkldermen baılanystyryp otyr.
«Qoǵam qaıratkerleri, sarapshylar men bıznes ókilderin biriktirgen jańa partıanyń paıda bolýy belgili bir deńgeıde Quryltaı aldyndaǵy partıalyq alańnyń jańarýyn meńzeıdi», – dedi ol.
Sarapshylardyń aıtýynsha, sheshýshi faktor partıanyń qurylýy emes, onyń mazmundy kún tártibin usynyp, qoǵammen tıimdi dıalog ornata alýy, sondaı-aq naqty saıası sýbektilik tanyta bilýi bolmaq.
Qazirgi ýaqytta partıa tirkeý kezeńinde. Alaıda qazirdiń ózinde «Ádilet»partıasynyń paıda bolýy Qazaqstannyń saıası júıesiniń odan ári transformasıasynyń mańyzdy kórsetkishteriniń birine aınalýy múmkin ekeni baıqalady.
Eske sala keteıik, buǵan deıin «Ádilet» partıasynyń uıymdastyrý komıteti Ádilet mınıstrligine saıası partıa qurý nıeti týraly habarlama joldaǵan bolatyn. Qujattar 2026 jylǵy 16 sáýirde elimizdiń barlyq óńirlerinen, respýblıkalyq mańyzy bar qalalar men astanany qosa alǵanda, 700-den astam azamattan turatyn bastamashyl top atynan tapsyryldy.
Bul bastamashylardyń pikirinshe, partıany qurý qajettiligi jańa Konstıtýsıanyń qabyldanýymen jáne reformalardy qoldaıtyn azamattardy biriktirý ıdeıasynan týyndaǵan. Partıanyń quryltaı sezi jaqyn ýaqytta ótedi dep josparlanýda.
