Almaty oblysynda 2026 jyly naýryz aıynyń sońyna deıin 7200 oryndy 9 «Keleshek mektebiniń»  qurylys jumysy aıaqtalady dep josparlanǵan. Onyń ishinde 5 mektep úsh aýysymdy oqytýdy joıý úshin, (Alataý qalasy Qoıanqus aýyly, İle aýdany Tilendıev aýyly, Qarasaı aýdany Bulaqty aýyly, Talǵar aýdany Tuzdybastaý, Jalqamys aýyldaryndaǵy mektepter) jáne 4 mektep (Eńbekshiqazaq aýdany Sataı, Ashysaı aýyldary, Talǵar aýdany Qyzyltý, Kóktal aýyldaryndaǵy mektepter) oqýshy ornynyń jetispeý máselesin sheshý úshin salynýda.

Osylaısha, úsh aýysymda oqıtyn mektepter sany 28-den 23-ke deıin qysqarady.  

Oblystaǵy 13 mekteptiń kúrdeli jóndeý jumysyn júrgizý úshin jergilikti búdjetten 10,9 mlrd teńge bólindi.

Oǵan Eńbekshiqazaq aýdanyndaǵy 3 (Masaq, Nurly, Y.Altynsarın atyndaǵy mektepter), Jambyl aýdanyndaǵy 1 (T.Rysqulov atyndaǵy mektep), Qarasaı aýdanyndaǵy 2 (M.Áýezov atyndaǵy orta mektep, I.Núsipbaev atyndaǵy mektep-ınternaty), Kegen aýdanyndaǵy 1 (Qarqara mektebi), Talǵar aýdanyndaǵy 4 (№10, №12, №24, №2 orta mektepteri), Uıǵyr aýdanyndaǵy 1 (№1 mektep sportzaly) jáne Qonaev qalasyndaǵy 1 mektep (A.Jubanov atyndaǵy №5 orta mektep) kiredi.

Qazirgi ýaqytta 2 mektep qoldanysqa berildi (Eńbekshiqazaq aýdany Masaq orta mektebi, Talǵar aýdany Belbulaq aýylyndaǵy №10 mektep). Qalǵan 11 mekteptegi kúrdeli jóndeý jumysy 2026 jyldyń maýsym-shilde aılarynda aıaqtalady.