«Meniń jasyl balabaqsham»: Almatyda ekologıalyq chellendj bastaldy
Jasyl bolashaqqa alǵashqy qadam: ekologıalyq mádenıet pen shyǵarmashylyq
Almaty balabaqshalarynda ekologıalyq sanany arttyrý jobasy
Tabıǵatty súıýdi úıretetin chellendj: otbasymen birge jasalǵan tapsyrmalar
Almaty qalasynda mektep jasyna deıingi balalarǵa arnalǵan «Meniń jasyl balabaqsham» atty ekologıalyq chellendji bastaldy. Bul bastama balalardyń ekologıalyq mádenıetin damytyp, sıfrlyq daǵdylardy ıgerýge kómektesedi.
Almatyda mektep jasyna deıingi balalardyń ekologıalyq mádenıetin arttyrýǵa, qorshaǵan ortaǵa jaýapkershilikpen qaraýdy qalyptastyrýǵa jáne sıfrlyq shyǵarmashylyq daǵdylaryn damytýǵa baǵyttalǵan «Meniń jasyl balabaqsham» atty jalpyqalalyq ekologıalyq chellendji bastaldy.
Bul bastamaǵa Almaty qalasyndaǵy 30 mektepke deıingi uıymnyń eresek jáne mektepaldy toptarynyń tárbıelenýshileri, olardyń ata-analary men pedagogteri qatysýda.
Jas ekologtardyń jumystaryn Almaty qalasy, Alataý aýdanyndaǵy №84 balabaqshasynda kórýge bolady.
«Keremet kórinis: balalar plasıkalyq bótelkeler men eski qoraptardan dıdaktıkalyq oıyndar men mýzykalyq aspaptar jasap, olarǵa jańa maǵyna berý joldaryn kórsetti», – dep belgiledi Almaty qalasy Bilim basqarmasynyń basshysynyń orynbasary Bıbigúl Malǵajdarova.
Onyń aıtýynsha, búgingi tańda eko-trend ósekti urpaqty damytýdaǵy eń ózekti taqyryptardyń biri bolyp tabylady. Qaldyqtardy suryptaý men qaıta paıdalaný balalarǵa qorshaǵan álemdi jańa kózqaraspen qaraýǵa múmkindik beredi.
Chellendjdiń negizgi maqsaty: balalardyń ekologıalyq mádenıetin tárbıeleý, tabıǵattaǵy qarapaıym ózara baılanystardy túsinýge baýlý jáne qorshaǵan ortadaǵy tabıǵı nysandarmen adamgershilik-emosıonaldy qarym-qatynas jasaýdyń alǵashqy praktıkalyq daǵdylaryn qalyptastyrý.
Shara aıasynda balalardyń nazaryn qorshaǵan ortany qorǵaý jáne tabıǵı resýrstardy saqtaý máselelerine aýdarý, olardyń kreatıvti jáne sıfrlyq daǵdylaryn damytý, sondaı-aq ekologıalyq jaýapty minez-qulyqty nasıhattaý mindetteri iske asyrylmaq.
Chellendj barysynda balalar pıaz ben túrli tuqymdardy egedi, bólme ósimdikterin kútip-baptaıdy, qaǵazdan pýlpa alý jáne qamystan selúloza nemese talshyqtar alý tehnologıasyn zertteıdi, turmystyq qaldyqtarǵa (plasık, bótelke qaqpaqtary, karton jáne t.b.) «ekinshi ómir» syılaýdy úırenedi, sýmen tájirıbeler júrgizip, sý jáne energıa únemdeý tehnologıalaryn meńgeredi.
Atalǵan chellendjdi ótkizý balalardyń ekologıalyq sanasyn arttyrýǵa yqpal etedi. Balalar ekologıalyq, shyǵarmashylyq daǵdylardy ıgerip, tabıǵatqa degen qamqorlyq qarym-qatynasty qalyptastyrady, sonymen qatar qıaldary men kreatıvti oılaý qabiletteri damıdy.
