Aldaǵy merekelik demalystar Almaty oblysynda «Tazalyq kúni» dep jarıalandy. Iaǵnı, úsh kún boıy óńirdegi barlyq týrısik nysandar, halyq kóp jınalatyn oryndar, saıabaqtar men aýlalarda jappaı senbilikter ótedi. «Taza Qazaqstan» aksıasy aıasynda uıymdastyrylatyn sharaǵa Ulttyq park qyzmetkerleri, ormanshylar, qoryqshylar, qoǵam belsendileri, eriktiler, kásipkerler, qoǵamdyq uıym ókilderi men turǵyndary túgel atsalysady. Almaty oblysynda onnan astam týrısik destınasıa jáne júzden astam tanymal týrısik baǵyt bar. Úsh kúndik merekelik demalysta taý-tasqa, ózen-kólder men tabıǵat aıasyna baratyn saıahatshylar sany artady. Sonddyqtan qonaqtardyń tabıǵatty lastamaı, qoqysty belgilengen oryndarǵa jınap ketýi ólke tazalyǵy úshin asa mańyzdy. Ásirese týrısik aýmaqtardyń tazalyǵyna erekshe den qoıylyp otyr. Osy oraıda oblys ákimi Marat Sultanǵazıev týǵan jerdiń tabıǵatyn aıalap, turǵyndar men qonaqtardy «Taza Qazaqstan» aksıasyna belsene qatysýǵa shaqyrdy.
«Qymbatty oblys turǵyndary!
Halqymyz ejelden «tazalyq» uǵymyn jannyń tazalyǵymen, nıettiń túzýligimen ushtastyryp, oǵan erekshe mán bergen. Memleket basshysy Qasym - Jomart Kemeluly Toqaev atap ótkendeı, «Taza Qazaqstan» aksıasy - bul bir rettik naýqan emes, ultymyzdyń bolmysyndaǵy asyl qasıetterdi jańǵyrtatyn biregeı bastama. Tazalyq - órkenıettiń aınasy. Biz tek senbiliktermen shektelmeı, qorshaǵan ortany kútip ustaýdy kúndelikti ádetke aınaldyrýymyz qajet. Árbir turǵyn óz aýlasyna, árbir ujym óz mekemesine jaýapkershilikpen qaraýy tıis. Ásirese, oblystyń barlyq kásipkerleriniń bul iske úles qosýy - bıznestiń qoǵam aldyndaǵy jaýapkershiliginiń aıǵaǵy. Nysandardyń estetıkalyq talaptarǵa saı bolýy ólkemizdiń ajaryn asha túseri sózsiz. Bizdiń ortaq maqsatymyz - «Zań men tártip» qaǵıdaty ornyqqan qaýipsiz qoǵam qurý. Óıtkeni tártip bar jerde tazalyq ta, bereke de bolady. Otanǵa qyzmet etý osyndaı qarapaıym, biraq mańyzdy isterden bastalady. Barshańyzdy osy ıgi bastamaǵa atsalysyp, óńirimizdi jaýapkershilik pen jasampazdyqtyń aımaǵyna aınaldyrýǵa shaqyramyn! - dedi óńir basshysy áleýmettik jelidegi jeke paraqshasynda.
https://www.instagram.com/reel/DXwGthGtIJS/?igsh=MXhhdnpwYzVjeGhkOQ==
