Almaty oblysynda «Alataý amanaty» jobasy aıasynda óńirdiń týrısik áleýetin damytýǵa baǵyttalǵan aýqymdy jumystar júrgizildi. Atap aıtqanda, Qastek shatqalynan bastap, Sharyn ulttyq tabıǵı parkiniń aýmaǵyna deıin jalpy uzyndyǵy 1 500 shaqyrymnan asatyn týrısik marshrýt keshendi túrde zertteldi.

Zertteý barysynda tabıǵı nysandar, tarıhı-mádenı kórikti jerler, ınfraqurylym múmkindikteri tolyq qamtylyp, barlyq qaýipsizdik talaptary saqtaldy. Zertteý qorytyndysy boıynsha marshrýttar júıelenip, 2GIS, Yandex Maps jáne Google Maps sıaqty zamanaýı sıfrlyq platformalarǵa engizildi.

Atalǵan jobanyń iske asyrylýy marshrýttardy ońaı josparlaýǵa, naqty baǵyt-baǵdardy aıqyndaýǵa jáne qaýipsiz saıahat jasaýǵa múmkindik beredi. Sonymen qatar bul bastama ekologıalyq týrızmniń damýyna, tabıǵı murany saqtaýǵa jáne jergilikti halyqtyń tabysyn arttyrýǵa yqpal etedi.

«Alataý amanaty» jobasy turaqty damý qaǵıdattaryna negizdelgen jáne halyqaralyq standarttarǵa sáıkes óńirdegi týrızmdi damytýdyń keshendi tásiliniń úlgisi bolyp esepteledi.