Qonaev qalasynda Memleket basshysynyń «Taza Qazaqstan» baǵdarlamasy aıasynda, Naýryz merekesine oraı «Tabıǵat qanatynda - Taza Life» atty ekologıalyq aksıa ótti. Sharany Almaty oblystyq jastar resýrstyq ortalyǵy, bilim basqarmasy jáne orman sharýashylyǵy mekemeleri uıymdastyrdy.

İs-sharanyń maqsaty - jastardyń ekologıalyq mádenıetin qalyptastyrý, qustarǵa qamqorlyq jasaýǵa jáne tabıǵatty aıalaýǵa baýlý. Aksıa barysynda qatysýshylar óz qoldarymen jasaǵan qus uıalaryn ornatty.

- "Kóktemmen birge týǵan ólkege qaıta oralǵan qustarǵa qamqorlyq kórsetý – qorshaǵan ortaǵa degen jaýapkershiliktiń aıqyn kórinisi. Elimizde mundaı aýqymdy aksıa ótken jyly alǵash ret Almaty oblysynda ótkizildi. Sol kezde myńǵa jýyq qus uıasy daıyndalyp, arnaıy oryndarǵa ornatyldy. Bıyl bul kórsetkish odan da joǵary. Bul bastama óskeleń urpaqty tabıǵatty qorǵaýǵa, meıirimdilik pen izgilikke tárbıeleıdi. Aksıa oblystyń barlyq aýdandary men qalalarynda sáýir aıynyń sońyna deıin jalǵasady", - dedi oblystyq Jastar resýrstyq ortalyǵynyń dırektory Maqsat Keneshov.

- "Qorshaǵan ortany qorǵaý – ár adamnyń mindeti. Erkindiktiń sımvolyna aınalǵan qustarǵa kómegim tıgenine qýanyshtymyn", - dedi Qonaev qalasyndaǵy Shoqan Ýálıhanov atyndaǵy №2 gımnazıanyń oqýshysy Álimjan Turdalıev.