Vladımır Zelenskıı Ýkraınada beıbitshilik ornatýdyń jalǵyz múmkindigi osy bolsa Reseı prezıdenti Vladımır Pýtınmen tikeleı kelissózge daıyn ekenin aıtty.
Bul týraly ol brıtandyq jýrnalıs Pırs Morganǵa bergen suhbatynda málimdedi.
«Eger bul beıbitshilikke jetýdiń jalǵyz joly bolsa, men daıynmyn. Eger halyq biz dıplomatıalyq jolǵa kóshýimiz kerek dep sanasa, onda biz Pýtınmen sóılesýge daıyn bolamyz», – dedi Zelenskıı.
Eske sala keteıik, 2022 jyldyń kúzinde Zelenskıı arnaıy jarlyqqa qol qoıyp, Ýkraına ókilderine, onyń ishinde ózine de, Pýtınmen kelissózder júrgizýge tyıym salǵan bolatyn.
Ázirge Zelenskıı atalǵan jarlyqty joıýǵa qatysty eshqandaı málimdeme jasaǵan joq.
Pikir qaldyrý