Ózbekstanda jumysqa jaýapsyzdyq pen salǵyrttyq tanytqany úshin sharýashylyq kesheniniń naqty 297 basshysy jumystan bosatyldy. 

Ózbekstan prezıdenti Shavkat Mırzıóev olardyń ornyna zamanaýı oılaý qabileti bar jas mamandar keletinin aıtty. Ol keıbir sheneýnikterdiń mahallalardaǵy (aýyldar men aýdandar) kedeıshilikti azaıtýǵa shyndap kirispeıtinin jetkizdi. 

"Qatań eskertemin: eger basshy mahallaǵa baryp, bizdiń azamattar men kásipkerlerdiń máselelerin sheshýge kirispese, ol jumys isteı almaıdy. Barlyǵy ózgerýi kerek. Álemdegi saıası jáne ekonomıkalyq jaǵdaıdyń sát ótken saıyn kúrdelenip, jańa qaýip-qaterlerdiń týyndap jatqanyn kórip otyrsyzdar", – dedi prezıdent. 

Mırzıeevtiń aıtýynsha, basshylar "bul ýaqytsha, bir-eki jyldan keıin bári ótedi" degen oımen ómir súrip jatyr.

“Biraq olardyń ornyn "jańa tásilderdi engizýge jáne halyqtyń suranysyn qanaǵattandyrýǵa daıyn" ​​zamanaýı oılaý qabileti bar jas mamandar basyp jatyr. Ózbekstanda 2025 jylǵa deıin 1,5 mıllıon adam kedeıshilikten qutylýy kerek”, – dedi Mırzıóev.