"Qazaqmys" "Korporasıa eks-prezıdent Nursultan Nazarbaevqa ushaq satyp alyp berdi" degen aqparatqa qatysty pikir bildirdi. 

"Birqatar BAQ pen áleýmettik jelilerde "Qazaqmys" korporasıasy Qazaqstannyń tuńǵysh prezıdentine ushaq satyp alypty-mys degen habardyń taralýyna baılanysty resmı túrde bul aqparat shyndyqqa janaspaıtynyn málimdeımiz", - delingen málimdemede.

"Qazaqmys" korporasıasy eshbir jeke tulǵaǵa áýe kemesin satyp ápermegenin málimdedi.

"Áýe kemesin satyp alý tek kompanıanyń óndiristik qajettilikterimen baılanysty. Mundaı kelisim týraly kez kelgen málimdeme negizsiz jáne qoǵamdy jańylystyrýǵa baǵyttalǵan. Biz buqaralyq aqparat quraldaryn jáne áleýmettik jeli qoldanýshylaryn taratylatyn aqparattyń shynaıylyǵyn muqıat tekserýge jáne rastalmaǵan derekterdi jarıalaýdan bas tartýǵa shaqyramyz", - dep habarlady korporasıa.