Elimizde  alǵash ret jasandy urpaq órbitý 1995 jyly qolǵa alynyp, 1996 jyly dúnıege qyz bala kelgen bolatyn. Sodan beri Qazaqstanda memlekettik, memlekettik emes 7-8 ortalyq ashyldy.  Munda aqyly túrde ári aqysyz (kvota) túrinde emdelýge bolady.  Al osyndaı qanshama shańyraqtyń qýanyshyna sebep bolyp, elimizdegi eń ıgi isti bastaǵan jan Saltanat Baıqoshqarova.

Saltanat Baıqoshqarova "Probırkadan" shyqqan balanyń tuńǵysh qazaqstandyq avtory jáne Qazaqstandaǵy reprodýktologıanyń negizin qalaýshy. Reprodýktologıa jáne embrıologıa salasyndaǵy tanymal kóshbasshy maman. Sondaı-aq ol 1995 jyldyń sáýirinde Bekmýsaev Qazaqstandaǵy alǵashqy "Ekomed" EKO ortalyǵyn tirkep, óz qarajatyna Máskeýden qural-jabdyqtardy alyp keldi.

30 jyldan astam jumys tájirıbesi ishinde 25 000-nan astam EKO-ny sátti ótkizdi. Onyń kásibı qatysýymen jáne onyń basshylyǵymen Qazaqstanda ǵana emes, álemniń 37 túrli elinde 30 myńǵa jýyq  bala dúnıege keldi.

Eske salsaq, «Qamshy.kz» aqparat agenttigi 2017 jyly «Alashorda – 100 jyl» jalpyhalyqtyq sharasyn ótkizgen edi. Soǵan saı ǵasyrlyq mereıtoıdy atap ótýge arnalǵan «Qamshynyń» qorytyndy is-sharasy «Alash arystarynyń 100 izbasaryn» anyqtaý úshin Elek.kz saýalnamalar saıtynda memleketke aıryqsha qyzmet etip jatqan tulǵalarǵa halyq daýys berdi. Daýys berýshiler tek daýys berýmen shektelmeı Alashqa qyzmet etip júrgen tulǵalardy ózderi de qosý múmkindigine ıe boldy. 20 myńnan astam adam qatysqan saýalnama nátıjesi boıynsha Saltanat Baıqoshqarova «Qamshy» portaly jarıalaǵan «Alash arystarynyń 100 izbasarynyń» tizimine kirdi.